25 January 2010

ချစ်ခြင်းအတိပြီးသူ…

Posted by blackroze at Monday, January 25, 2010 0 comments


မျက်လုံးချင်းဆုံ.... ရင်ခုန်
သူ့အပြုံးလေးမြင်..ကြည်နူး
ချစ်တယ်..ဆိုတဲ့...စကား
သူ့နှုတ်ဖျားမှ...
ကြားရစဉ်တွင်
ရင်ထဲလှုပ်ခါ.....ခံစားရသည်
သို့ပင်သော်ငြား...
လက်တွေ့မဆန်နိုင်တဲ့...
ဘ၀နှစ်ခု....
ပေါင်းစပ်ဖို့အရေး....အလှမ်းဝေးလို့
လမင်းမသာ...နေဆယ်စင်းဖြာ
ရင်မှာသောက...ထိုမျှမက
ပူလောင်လှသည်မို့.....
ဝေးဝေးကသာချစ်ပါရစေဟု...
ချစ်လျှက်နှင့်ပင်.....
လမ်းခွဲနှုတ်ဆက်
ကျောခိုင်းလှည့်ထွက်ခဲ့ရသည်.........
နောင်ဘ၀...ဆိုတာများရှိခဲ့ရင်လေ....
ဒီလိုအဖြစ်...ဒီလိုဘ၀မျိုးနဲ့
ဘယ်ခါမဆုံ...မကြုံချင်ကြောင်း
ရှင်တော်မြတ်ဘုရားထံပါး
ခယ၀ပ်တွားလို့.....
တောင်းဆုပန်ခြွေပါရစေ...
ဘ၀ဆက်တိုင်း...
ချစ်သူလက်ဆုပ်ကိုင်လို့
နှစ်ယောက်တစ်ဘ၀
တည်ဆောက်ခွင့်ရသော...
ချစ်ခြင်းအတိပြီးသူဖြစ်ရပါလို၏......။။။။


(25.01.2010....03:15 AM)
(အိပ်လို့မရတဲ့ညလေးမှာ...ရေးလိုက်မိတဲ့..ကဗျာလေးပါ....)

22 January 2010

မုဒိတာတရား..

Posted by blackroze at Friday, January 22, 2010 0 comments
မုဒိတာတရား..

လူရယ်လို့ဖြစ်လာကတည်းက...လောဘ,ဒေါသ,မောဟ...တရားတွေနဲ့ဘယ်သူမှ.....မကင်းနိုင်ကြပါဘူး..
ပုထုဇဉ်တွေလေ...ဘာသားနဲ့ထုထားတာမို့လဲ...လောဘရှိမှာဘဲ...ဒေါသဆိုတာလဲ....ရှိတာဘဲ.......
မောဟဆိုတာတော့ပြောမနေပါနဲ့တော့......သားအတွက်ပူရ....သမီးအတွက်ပူရ....မိဘအတွက်ပူရ...
နောက်ဆုံး....16နှစ်..17နှစ်အရွယ်ဆိုပြီး....အပူမရှိဘူးလို့မထင်လိုက်ပါနဲ့....ရည်းစားအတွက်စိတ်သောက
ရောက်ရတာတွေ..ရည်းစားနဲ့အဆင်မပြေလို့စိတ်ညစ်ရတာတွေနဲ့........မောဟတရားနဲ့...ပြည့်နှက်နေကြတာကြီးဘဲ....
အဲဒီအထဲမှာမှ......ကျွန်မအထင်ပေါ့နော်.....မုဒိတာတရားဆိုတာကိုလူတော်တော်များများ...မထားနိုင်ကြဘူး...
လူတိုင်းကိုတော့....မဆိုလိုပါဘူး..လူတွေထဲကတစ်ချို့ကိုရည်ရွယ်တာပါ.....
ဆိုကြပါစို့...ဆင်းရဲတဲ့..သူတစ်ယောက်ကိုတွေ့လို့.....မုန့်တစ်ခုဝယ်ပေးလိုက်ဖို့...ဒါမှမဟုတ်.......
လိုအပ်တာလေးတစ်ခုခု(ငွေကြေးဘဲဖြစ်ဖြစ်ပေါ့လေ)...ကူညီလိုက်ဖို့ကို...လူတိုင်းဝန်မလေးကြဘူး..
အဲ....ဒါပေမဲ့...ကိုယ်နဲ့ပတ်သက်နေတဲ့ဆွေမျိုး..အသိုင်းအ၀ိုင်းထဲက..တစ်ယောက်ယောက်ဖြစ်စေ....
မိတ်ဆွေအပေါင်းအသင်းထဲကဖြစ်စေ...တစ်ယောက်ယောက်အောင်မြင်သွားတဲ့သီတင်းကိုကြားရတဲ့...
အခါမှာတော့......''သြော်...သူအောင်မြင်သွားတယ်..ကောင်းလိုက်တာ..သူ့ကိုယ်စားဝမ်းသာတယ်.'''..
ဆိုတာမျိုးတော့...လူတော်တော်များများမတွေးကြဘူး...ဥပမာပေါ့.....ကိုယ့်ရုံးကလုပ်ဖော်ကိုင်ဘက်
တစ်ယောက်ယောက်ကရာထူးတက်တယ်ဆိုပါတော့ရှင်...ကိုယ်ကဒီအတိုင်းဘဲကျန်ခဲ့တယ်..
အဲဒီအခါမျိုးမှာ.....
.''' ဟွန့်..သူကျတော့ရာထူးတိုးတယ်....
ငါ့ကျတော့ဒီအတိုင်းဘဲ...ငါတို့လူကြီးကမျက်နှာလိုက်တယ်.....အေးလေလူကြီးကမျက်နှာသာပေးအောင်
ဘယ်လောက်များဖားထားလဲမှမသိတာ'''.....တော်တော်များများက..အဲလိုမျိုးဘဲတွေးကြတယ်...
ပါးစပ်ကသာ...နင့်အတွက်ဝမ်းသာတယ်...ဘာညာဆိုပြီး...မျက်နှာချိုချိုလေးနဲ့ပြောနေကြပေမဲ့...
တကယ့်ရင်ထဲမှာတော့.....အပြောနဲ့တခြားစီပါ.........
ကျွန်မပြောချင်တာအဲဒါပါဘဲ......ဘာလို့..သူတစ်ပါးရဲ့အောင်မြင်မှု့ကို...လက်မခံနိုင်ရတာလဲ.....
လူဆိုတာ..ကိုယ်ဖန်တီးတဲ့အရာတွေကို...ကိုယ်ပြန်ရတာပါ....
''' သြော်..သူကတော်တာကိုး...အရည်အချင်းလဲရှိတယ်...ကြိုးစားမှု့လဲရှိတယ်ဆိုတော့
ရာထူးမြန်မြန်တက်တာပေါ့..ငါလဲကြိုးစားရမယ်လေ....''''
ဆိုပြီး....ဘာလို့မုဒိတာတရားမထားနိုင်ကြတာလဲ....သူအောင်မြင်တဲ့အတွက်ကိုယ်ကဆုံးရှုံးသွားတာ
ဘာမှမရှိဘူးနော်....သူ့လိုမျိုးကိုယ်ကမအောင်မြင်သေးတာဘဲရှိတာ....ဒါတွေကကိုယ်ဖန်တီးရမဲ့
အရာတွေလေ...ကိုယ်ရဲ့အောင်မြင်မှု့ကျရှုံးမှု့ဆိုတာ...ကိုယ့်ရဲ့ ability ..., skill ... နဲ့ အများကြီးဆိုင်ပါတယ်.....
သူတစ်ပါးကကြိုးစားလို့ရသွားတဲ့...အောင်မြင်မှု့တစ်ခုအပေါ်ကို..ကိုယ်ကစိတ်ထဲမှာလုံးဝ.....
ပကတိအတိုင်းဖြူဖြူစင်စင်နဲ့....လက်ခုပ်တီးပေးနိုင်ရမယ်လေ....မဟုတ်ဘူးလား.....
ဒါပေမဲ့...ကျွန်မပတ်ဝန်းကျင်မှာရှိနေတဲ့သူတွေတော်တော်များများကတော့....အဲလိုမဟုတ်ကြဘူး...
လက်ခုပ်တော့တီးပေးကြပါရဲ့..လုံးဝဖြူစင်တဲ့လက်ခုပ်သံမဟုတ်ဘဲ......colourfulလက်ခုပ်သံတွေ
ဖြစ်နေကြတယ်....အဲဒါဘာကြောင့်လဲဆိုတာကျွန်မစဉ်းစားလို့မရပါဘူး.....
လူတွေဟာ...ကိုယ့်ထက်နိမ့်ကျတဲ့သူကိုတွေ့ရင်...ဂရုဏာတရားထားနိုင်ကြတယ်....
ကိုယ့်ထက်မြင့်မားတဲ့သူကိုတွေ့ရင်အားကျတတ်ကြတယ်....
ဒါပေမဲ့...ကိုယ့်အသိုင်းအ၀န်းထဲက..တစ်စုံတစ်ယောက်...ကိုယ်နဲ့လည်ပယ်တန်းထဲက
တစ်ယောက်ယောက်ကများကိုယ့်ထက်သာသွားရင်တော့...
ဘာလို့များ...မုဒိတာတရားမထားနိုင်ကြတာလဲ......?????
ခုချိန်ထိအောင်ကျွန်မအဖြေရှာလို့မရသေးပါဘူး.........။။။။။။


(22.1.2010 ....2း15....AM)

20 January 2010

အဖေ...

Posted by blackroze at Wednesday, January 20, 2010 0 comments


အဖေ...ဆိုတဲ့စကားလေးနှစ်ခွန်းကိုမခေါ်ဖြစ်တာနှစ်ပေါင်းမနည်းတော့ပါဘူး....ဒါပေမဲ့...ကျွန်မစိတ်ထဲမှာ
အဖေအမြဲတမ်းရှိပါတယ်...ကျွန်မအနားမှာအဖေမရှိပေမဲ့ကျွန်မဘ၀ထဲမှာအဖေအမြဲတမ်းရှိနေဆဲပါ....
ကျွန်မဘ၀ရဲ့ဘယ်တော့မှမေ့ပျောက်လို့မရနိုင်တဲ့နေ့လေးကတော့....အဖေကျွန်မတို့ကိုထားသွားခဲ့တဲ့နေ့လေးပါဘဲ....
အမေရယ်ကျွန်မရယ်ညီမလေးရယ်.....မျက်ရည်ကျခဲ့ရတဲ့နေ့ပါဘဲ ..ကျွန်မအသက် ၈နှစ်နဲ့ ၁၄ရက်ပြည့်တဲ့နေ့ပါဘဲ...အဖေက၀န်ထမ်းတစ်ယောက်ပါ....ကျွန်မငယ်ငယ်တုန်းက
အဖေတာဝန်ကျတဲ့ နေရာမှန်သမျှ ဘယ်လောက်ဘဲဝေးဝေး အဖေနဲ့တူတူလိုက်သွားနေကြပါ ..အဖေမဆုံးခင်.............တစ်နှစ်လောက်မှာ ကျွန်မအမေနဲ့အဖေ အဆင်မပြေဖြစ်ပြီး ကျွန်မတို့တွေအဘွားနဲ့တူတူ ပြန်လာနေပါတယ်...ဒါပေမဲ့အဖေကအမြဲတမ်းလာတွေ့နေကြပါ...
နောက်တော့အဖေနယ်မှာတာဝန်ကျပါတယ်...အဖေနဲ့မတွေ့ဖြစ်တာတစ်နှစ်ကျော်လောက်ရှိမယ်ထင်တယ်
တစ်နေ့ကျောင်းကပြန်လာတော့....အမေကကျွန်မကိုခေါ်ပြောတယ်...သမီးတို့အဖေမရှိတော့ဘူးတဲ့..
မဖြစ်နိုင်တာဘဲ...အဖေကကျွန်မကိုလာတွေ့မယ်လို့ပြောသွားတာ...မရှိတော့ဘူးဆိုတာမဖြစ်နိုင်ပါဘူး
အဖေလာမှာပါလို့..ငိုပြီးအမေ့ကိုပြန်ပြောမိတယ်...အမေကကျွန်မကိုဖက်ပြီးငိုပါတယ်..ကျွန်မလေ..
အဲဒီအချိန်တုန်းက...ခံစား၇တာတွေ..၀မ်းနည်းတာတွေ..သိပ်ပြီးတော့မခွဲခြားတတ်သေးပါဘူး...
ဒါပေမဲ့...ရင်ထဲမှာသိနေတဲ့အသိတစ်ခုက...အဖေမရှိတော့ဘူးဆိုတာကို..လက်မခံချင်တာပါ...ကျွန်မစိတ်ထဲမှာ
အဖေရှိနေပါသေးတယ်...ဒါကြောင့်အမေကဆူတိုင်း..အဘွားတို့..အဒေါ်တွေကဆူတိုင်း..အဖေ့စီသွားမယ်လို့..
အမြဲပြောမိပါတယ်....ကျွန်မတို့မိသားစုဘ၀ထဲမှာအဖေမရှိတော့ပေမဲ့..ကျွန်မရဲ့ဘ၀ထဲမှာတော့အဖေအမြဲတမ်းရှိနေဆဲပါ
ကျွန်မပျော်တာ...စိတ်ညစ်မိတာ...စိတ်မကောင်းဖြစ်ရတာတွေ...ခံစားရသမျှတွေကို..အဖေ့ကိုတိုင်တည်ပြီးပြောမိတဲ့
အခါတွေမနည်းပါဘူး...တစ်ခါတစ်လေကျောင်းမှာ..သူငယ်ချင်းတွေကိုသူတို့အဖေတွေကကျောင်းလာကြိုတာမျိုးဆိုရင်
ကျွန်မကြိတ်ပြီးဝမ်းနည်းခဲ့ရပါတယ်...အဖေကိုအရမ်းသတိရမိလို့ပါဘဲ...ကျွန်မ၁၀တန်းအောင်တဲ့နေ့...ဘွဲ့ယူတဲ့နေ့...
နိုင်ငံခြားထွက်လာတဲ့နေ့...ကျွန်မအလုပ်လုပ်လို့..ပထမဆုံးလခရတဲ့နေ့...ကျွန်မလေ..အဖေကိုအ၇မ်းသတိရမိပါတယ်..
အဖေသာကျွန်မအနားမှာ..ရှိခဲ့မယ်ဆိုရင်ဘာပြောမလဲ..ကျွန်မဆုံးရူံးသွားတဲ့...အရာတွေအတွက်အဖေစိတ်မကောင်းဖြစ်မှာလား..
ကျွန်မအောင်မြင်သွားတဲ့...အရာတွေအတွက်ရော...အဖေဂုဏ်ယူမှာလား..ကျွန်မအရမ်းသိချင်ပါတယ်...အဖေသာအနားမှာ...
ရှိခဲ့မယ်ဆိုရင်..အဖေရဲ့ဆုံးမစကားတွေကျွန်မနားထောင်ချင်တယ်...အဖေဆူတာမျိုးဘဲဖြစ်ဖြစ်ပေါ့....ကျွန်မကိုဒါမျိုးမလုပ်ရဘူး
ဟိုဟာမျိုးမလုပ်ရဘူးဆိုပြီး...တားမြစ်ချုပ်ချယ်တာဘဲဖြစ်ဖြစ်...ဒါမှမဟုတ်လဲ..အဖေ့စီကနေ..သမီး..လို့ခေါ်လိုက်တာမျိုးဘဲ..
ဖြစ်ဖြစ်ပေါ့..ပြန်ကြားချင်မိတယ်....အခုကျွန်မပိုက်ဆံရှာနိုင်သွားပြီ..ကျွန်မကိုယ့်ဘ၀ကိုယ်ရပ်တည်နိုင်သွားပြီ..အဖေဘာပြော
မလဲ...ကျွန်မသိချင်တယ်..ကျွန်မအလုပ်လုပ်လို့..လခရလာတိုင်းအဖေကို..ကန်တော့ချင်တယ်..မုန့်တွေဝယ်ကျွေးချင်တယ်..
အဖေမရောက်ဘူးတဲ့..နေရာတွေပို့ပေးချင်တယ်..ဒါပေမဲ့...ကျွန်မလုပ်ပေးချင်ပေမဲ့...အဖေအနားမှာမရှိတော့ဘူးလေ....
ကျွန်မစိတ်မကောင်းဖြစ်နေယုံ..သတိရနေယုံကလွဲလို့..ဘာမှမတတ်နိုင်ပါဘူး...
အဖေမုပ္ပလင်မှာတာဝန်ကျတုန်းက...ညနေဘက်ဆိုအဖေနဲ့ကျွန်မတို့ညီအမနှစ်ယောက်..မီးရထားသံလမ်းဘက်လမ်းလျှောက်ပြီး..
ရထားတစ်စင်းတစ်လေလာတာနဲ့များဆုံရင်..မီးရထားကြီးကိုလက်ပြခဲ့တာတွေ....ညဘက်ပွဲဈေးရှိတဲ့အခါတွေဆိုရင်...
အမေကကျွန်မညီမလေးကိုချီပြီး..အဖေကကျွန်မလက်ကိုဆွဲလို့...ကျွန်မတို့မိသားစုပွဲဈေးတန်းသွားခဲ့တာတွေ....ပွဲဈေးကအပြန်
အဖေကိုယ်ပေါ်မှာအိပ်ပျော်ခဲ့တာတွေ...ကျွန်မနေမကောင်းဖြစ်တဲ့အခါ..အဖေကချော့ပြီးဆေးတိုက်ခဲ့တာတွေ...ကျွန်မကို
ချီပြီးကျောင်းလိုက်ပို့ခဲ့တာတွေ....အမြဲတမ်းသတိရနေဆဲပါ...ဘယ်တော့မှပြန်မရနိုင်တော့ဘူးဆိုတာသိပေမဲ့...
အမြဲတမ်း..တမ်းတနေမိဆဲပါ....အဖေနဲ့ပတ်သက်တဲ့ပုံရိပ်တွေအားလုံး..ကျွန်မဘ၀မှာဘယ်တော့မှ
ဟောင်းနွမ်းသွားမှာမဟုတ်ပါဘူး...ဆေးရောင်တွေမှိန်နေပေမဲ့လွမ်းစရာကောင်းနေဆဲ...ပန်းချီကားတစ်ချပ်လိုပါဘဲလေ..
ခုချိန်တိုင်အောင်..အဖေရဲ့..သမီးလို့..ခေါ်လိုက်တဲ့အသံလေးကို..နားထဲကြားယောင်နေဆဲပါ...ကျွန်မအသက်ရှင်သန်
နေသမျှကာလပတ်လုံး...အဖေကျွန်မဘ၀ထဲမှာ...ရှိနေမှာပါ....။။။။။


(20.1.2010 3း55 AM )
(ကျွန်မချစ်သော..ဖေဖေ..သို့ အမှတ်တရ)

19 January 2010

သတိရမိသောမြို့လေး

Posted by blackroze at Tuesday, January 19, 2010 1 comments









ပျော်ရာမှာမနေရ တော်ရာမှာနေရဆိုတဲ့ စကားပုံလေးကြားဖူးကြမှာပါ ..
လူရယ်လို့ဖြစ်လာကတည်းက မွေးဖွားခြင်းကနေသေဆုံးခြင်းတိုင်အောင် ရုန်းကန်လှုပ်ရှားနေရတာမှတ်လား........ဒါဘ၀ဘဲလေ....
ဒီလိုပါဘဲ ခံစားချက်တွေ သတိရခြင်းတွေ နဲ့ပြည့်နှက်နေတတ်တာလဲ ဘ၀ပါဘဲ....
ကျွန်မကို မော်လမြိုင်ဆိုတဲ့ နယ်မြို့လေးတစ်မြို့မှာမွေးဖွားခဲ့တာပါ....
ဇာတိချက်မြှုပ်လို့ပြောရမလားဘဲ...
ဒါပေမဲ့ ကျွန်မ မော်လမြိုင်မှာ ၅ နှစ်သမီးအရွယ်လောက်ထိဘဲနေခဲ့ရတာပါ ...
အဖေတာဝန်ကျတဲ့ နေရာကို လိုက်ပြောင်းနေရတာလေ.. အမေတို့ကတော့မော်လမြိုင်ဇာတိပါဘဲ...ခဏလေးဘဲနေခဲ့ရပေမဲ့....
ငါ့ကိုမွေးခဲ့တဲ့ နေရာပါလားဆိုတဲ့ အသိစိတ်လေးနဲ့ ကျွန်မမော်လမြိုင်မြို့လေးကိုချစ်ပါတယ်...
နည်းနည်းကြီးလာတော့ အစ်မတွေနဲ့ တူတူသွားတယ်လေ...
ဆွေမျိုးတွေစီကို သွားလည်တာပေါ့...ခုတော့လဲ မော်လမြိုင်မြို့လေးက
ဟိုးအရင်ကလို ကုန်းတစ်တန် ရေတစ်တန် သွားရတာမျိုးမဟုတ်တော့ဘူးလေ
သံလွင်တံတားဆောက်ပြီးသွားတော့ သွားရလာရတော်တော်အဆင်ပြေသွားပြီလို့ပြောကြပါတယ်...
တံတားဆောက်ပြီးကတည်းက ကျွန်မ တစ်ခါမှ မရောက်သေးပါဘူး....
ကျွန်မကတော့တံတားကြီးမဆောက်ရခင် တုန်းကသွားခဲ့ဖူးတဲ့ မြို့လေးကိုလွမ်းမိပါတယ်....
အထူးသဖြင့် မုတ္တမဘက် ကနေ..မော်လမြိုင် ဘက်ကို သွားဖို့ဇက်စီးရတဲ့အခါဖြစ်စေ...............
သဘောင်္စီးရတဲ့အခါဖြစ်စေ ဒီဘက်ကမ်းကနေ ဟိုဘက်မော်လမြိုင်မြို့လေးကိုလှမ်းမြင်နေရတဲ့
အချိန်မှာခံစားရတဲ့ခံစားချက်နဲ့ မော်လမြိုင်ဘက်ကနေ ရန်ကုန်ကိုပြန်ဖို့ သဘောင်္စီးလာတဲ့အခါ
ဟိုးးး.....အဝေးမှာပျပျလေးကျန်ခဲ့တဲ့ မော်လမြိုင်မြို့လေးကိုသဘောင်္ပေါ်ကနေ လှမ်းမြင်ရတဲ့
အခါ ခံစားမိတဲ့ ရင်ထဲကခံစားချက်ချင်းမတူပါဘူး.....
ပထမ ခံစားချက်က ပျော်တာ ၀မ်းသာတာ ကြည်နူးတဲ့ ခံစားချက်လေးပါ.....
ငါ့မွေးရပ်မြေကိုရောက်တော့မှာပါလားဆိုတဲ့ ၀မ်းသာတဲ့ ခံစားချက်...
ဒုတိယကတော့ ရင်ထဲကနေ လွမ်းမိတာ တစိမ့်စိမ့် နာကျင်လာတဲ့ခံစားချက်မျိုးပါ...
တဖြည်းဖြည်းနဲ့ ဝေးဝေးသွားပြီးမှုန်ပျပျလေးဘဲ မြင်ရတော့တဲ့
မြို့လေးကိုလှမ်းကြည့်ပြီး သြော်...နောက်ထပ်ဘယ်လောက်ကြာမှ
ထပ်လာဖြစ်မလဲ မသိဘူးလေ.....ဆိုပြီး...ရင်ထဲကတစ်ခုခုကို
ယူထုတ်လိုက်သလို ဟာတာတာ ဖြစ်သွားတဲ့ ခံစားချက်ပါ......
မော်လမြိုင်သွားပြီးပြန်လာတိုင်း သဘောင်္ပေါ်မှာအမြဲတမ်းမျက်ရည်ဝဲခဲ့ရပါတယ်........
မော်လမြိုင် ရောက်တာနဲ့ ပထမဆုံးလုပ်မိတာကတော့ ကျိုက်သလ္လန်ဘုရားကို
သွားမိတာပါဘဲ...အမေနဲ့ အဖေက အဲဒီဘုရားမှာ ဘုရားလာဖူးရင်းနဲ့
တွေ့ခဲ့ တာဆိုပြီးး အမေကတစ်ခါတုန်းကပြောပြခဲ့
ဖူးလို့ပါ......ဘုရားဖူးပြီးတာနဲ့ ဘုရားစောင်းတန်းမှာထိုင်ပြီး .......
အဲဒီအချိန်တုန်းက အဖေက အမေ့ကိုဘယ်လို
များတွေ့သွားတာပါလိမ့် .....အမေကရော...ဘယ်လိုများရင်ခုန်ခဲ့မလဲ ဆိုပြီး ...
ကျွန်မအမြဲတမ်းအတွေး နယ်ချဲ့မိပါတယ်.....ကျွန်မမမြင်လိုက်ရတဲ့
အတိတ်ကပုံရိပ်လေးတွေကိုမှန်းဆကြည့်မိတာပါ...
ကျွန်မအဖေ ကျွန်မတို့ကိုခွဲထားခဲ့တာ နှစ်20ရှိသွားပြီလေ....
ကျွန်မအဖေ့ကိုသတိရမိရင် အဖေအကြောင်းပြန်စဉ်းစားတာကလွှဲပြီး ဘာမှလုပ်လို့မှမရဘူးလေ..
လောကကြီးထဲမှာမရှိတော့တဲ့ လူတစ်ယောက်ကိုတမ်းတတာကလွဲပြီး
သတိရနေမိတာကလွဲပြီး ကျန်တာဘာမှမတတ်နိုင်ဘူးလေ......
ဒုတိယသွားမိတဲ့ နေရာကတော့ သတိပဌါန်သီလရှင်ကျောင်းပါ...
အဲဒီမှာပိုက်ဆံသွားလှူတာပါ...အဲဒီသီလရှင်ကျောင်းမှာ အရမ်းလိမ္မာတဲ့
ကြောင်လေးနှစ်ကောင် ရှိပါတယ်.....ခုလောက်ဆိုရင်တော့
ကြောင်အိုကြီးတွေဖြစ်နေလောက်ပြီထင်ပါရဲ့ရှင်....
ကျွန်မ မရောက်ဖြစ်တာဘဲ ၆ နှစ်ပတ်ဝန်းကျင်လောက်ရှိနေပြီလေ..ပြန်စဉ်းစားမိရင်
အရမ်းလွမ်းမိပါရဲ့...... ...မော်လမြိုင်မြို့လေးကို..........။
တတိယသွားမိတဲ့နေရာကတော့ ကမ်းနားလမ်းမှာအမတွေနဲ့တူတူ လမ်းလျှောက်တာပါဘဲ......
ကျွန်မ အစ်မတွေက ပြန်ပြောပြကြပါတယ်...ဒီနေရာမှာပေါ့
နင်ငယ်ငယ်ကလမ်းမလျှောက်တတ် လျှောက်တတ်နဲ့ လဲကျတာလေ...
ဒီနေရာမှာပေါ့ နင့်ဖိနပ်ကျပျောက်ခဲ့တာလေ....
ဆိုပြီးတော့ ကျွန်မ မမှတ်မိတော့တဲ့ အတိတ်ကအကြောင်းတွေကို
အမြဲတမ်းပြန်ပြောပြနေကြပါ....ခုတော့ကျွန်မလဲ မိုင်ပေါင်းများစွာဝေးနေတဲ့
နေရာမှာရောက်နေသလို....အစ်မတွေကလဲ အိမ်ထောင်ကျတဲ့သူနဲ့
ကျွန်မလိုမျိုးဘဲ အဝေးကိုရောက်နေတဲ့ သူနဲ့.....
ခုနေခါ ကျွန်မ မော်လမြိုင် ကိုပြန်သွားလည်ရင်တောင် ကျွန်မနဲ့ တူတူ ဘုရားသွားမဲ့သူ
သီလရှင်ကျောင်းသွားမဲ့သူ ကမ်းနားမှာလမ်းလျှောက်ပေးမဲ့ သူတွေမရှိတော့ပါဘူး.....
အဲဒီတော့လဲ ကျွန်မတစ်ယောက်ထဲဘဲပေါ့နော့်......ပြသာနာမရှိပါဘူးး.......
တစ်ယောက်ထဲဘ၀မှာနေသားကျနေပါပြီ .....
ဒါပေမဲ့ အစ်မတွေကိုတော့လွမ်းမိမယ်ထင်တယ်.....
ကျွန်မမော်လမြိုင်ရောက်တာနဲ့ ပထမဆုံးသွားတွေ့ဖြစ်တဲ့သူကတော့
ကျွန်မရဲ့ ငယ်ငယ်တုန်းကစားဖော် ကစားဖက် သူငယ်ချင်းလေးပါ .....ခုဆိုသူအိမ်ထောင်တောင်ကျနေလောက်ပြီထင်ပါတယ်.....
ကျွန်မမော်လမြိုင်သွားမှသူနဲ့တွေ့ရတာဆိုတော့ .....သူနဲ့မတွေ့ဖြစ်တာလဲ ၆ နှစ်လောက်ရှိနေပါပြီ.....
တစ်ခါတစ်ခါသူ့ကိုလဲ သတိရမိသားရှင်...ကျွန်မ အဖေသာရန်ကုန်ကိုတာဝန်မကျဘဲ
မော်လမြိုင်မှာဘဲဆက်နေဖြစ်မယ်ဆိုရင် ကျွန်မလဲသူလိုမျိုး စကားသံဝဲ၀ဲ နဲ့
မော်လမြိုင်သူဖြစ်နေမှာ အသေအချာပေါ့.....မော်လမြိုင်မှာဘဲကျောင်းတက်
မော်လမြိုင်မှာဘဲကြီးတဲ့ မော်လမြိုင်သူစစ်စစ်ဖြစ်နေမှာပါ...........
ခုတော့ ကျွန်မက ကျွန်မချစ်တဲ့ မြို့လေးနဲ့ မိုင်ပေါင်းများစွာဝေးတဲ့နေရာမှာ ....
သတိရနေခြင်းဆိုတာလေးဘဲ စွဲကိုင်လို့ လွမ်းနေရတဲ့သူပါ ...
အဲဒီမြို့လေးမှာသွားခဲ့ဖူးတဲ့နေရာလေးတွေကို မကြာခဏပြန်သတိရလို့.......
တစ်နေ့တော့ ရောက်ဦးမှာပါလေ...ဆိုပြီး..အမြဲတမ်းသတိရနေမိပါတယ်.....
ကျွန်မချစ်တဲ့မြို့လေးကို.....။။။။

(ကျွန်မဒီPost လေးကိုတင်ဖို့စာရိုက်နေတဲ့ အချိန်မှာ ကျွန်မချစ်တဲ့
မော်လမြိုင်မြို့လေးက ညမှောင်မှောင်အောက်မှာအိပ်မောကျနေပါလိမ့်မယ်
အဝေးကြီးကနေသူ့ကိုလွမ်းနေတဲ့သူရှိနေတယ်ဆိုတာ
သိမှာမဟုတ်ပါဘူး....)

(19.1.2010 3း20 AM )

15 January 2010

စိတ်မကောင်းဖြစ်ခဲ့ရတဲ့ ည...

Posted by blackroze at Friday, January 15, 2010 1 comments
ကျွန်မအလုပ်ပြန်ချိန်က နောက်ကျပါတယ် ပြီးတော့ မနက်ဖန်ကကျွန်မနားရက်ဆိုတော့
သူငယ်ချင်းနဲ့ ချိန်းပြီးညဈေးသွားမယ်ပေါ့ ... သွားတုန်းကတော့ နှစ်ယောက်ဆိုတော့
ဟိုဆိုင်ဝင်ဒီဆိုင်ဝင်နဲ့ ဈေးပတ်ပြီးလို့အပြန်ကျတော့ သူငယ်ချင်းနဲ့က ပြန်ရမဲ့လမ်းချင်းမတူတော့ဘူး ...
ညဈေးထိပ်က ဘူတာမှာတင်သူက MRT စီးပါတယ်
ကျွန်မကတော့ အိမ်နဲ့လဲသိပ်မဝေးတော့တာနဲ့ လမ်းလျှောက်ပြန်ဖို့ဆုံးဖြတ်လိုက်ပါတယ် ..
လမ်းလျှောက်ပြန်မယ် ဆိုမှဘယ်နှစ်နာရီရှိပြီလဲ ကြည့်မိပါတယ်..
ည12နာရီနီးနီးရှိနေပြီလေ..မတတ်နိုင်ဘူးလေ.....ကိုယ်ကခြေရှည်မိတာကိုး....
ကျွန်မလမ်းလျှောက်လာရင်းနဲ့ လမ်းမှာအဘိုးကြီးတစ်ယောက်ကိုတွေ့ပါတယ် ...
အသက်ကတော့ 60 လောက်များရှိမလားဘဲ .....Homeless တစ်ယောက်ပါ ...
အစကတော့ ညပိုင်းလဲဖြစ်တယ် ....ပြီးတော့12 နာရီလဲကျော်နေပြီဆိုတော့
နည်းနည်းတော့ လန့်သွားမိပါတယ် ..
ဒါပေမဲ့သူ့ကိုကြည့်ရတာက တစ်ခုခုကိုကြိုးစားပမ်းစားလုပ်နေတဲ့ ပုံစံပါ ...
ကြောက်စိတ်ထက် သိချင်စိတ်ကများသွားတယ်ဆိုပါတော့ ........
သူဘာများလုပ်နေတာလဲ သိချင်တာနဲ့ အဲဒီအနားကဘဲဖြတ်လျှောက်ဖို့ ဆုံးဖြတ်လိုက်တယ် .....
သူရှိနေတဲ့ နေရာနဲ့နီးလာမှ သူဘာလုပ်နေတာလဲဆိုတာ သေချာတွေ့လိုက်တော့
ကျွန်မစိတ်ထဲမကောင်းလိုက်တာလေ .....
သူကအိပ်ဖို့နေရာလေးတစ်ခု ကြိုးစားပမ်းစားဖန်တီးနေတာပါ ...
အောက်မှာပလပ်စတစ်အစုတ်အပိုင်းအစလေး ..တစ်ခုကိုခင်းပြီး အဲဒီအပေါ်မှာ
အ၀တ်အဟောင်းလေးတွေခင်းနေတာပါ ...ကျွန်မလေ ..ရင်ထဲမှာနင့်နေအောင်
ခံစားလိုက်ရတယ် ...ရာသီဥတု ဒီလောက်အေးနေတဲ့ အချိန်မှာ
ဒီလိုအ၀တ်စုတ်လေးတွေခင်းလိုက်ယုံနဲ့ဘဲ ....သူနွေးထွေးသွားမှာတဲ့လား ...
သူကတော့ ဘာမှသတိထားမိတဲ့ပုံစံ မရှိပါဘူး ..သူဟာသူဘဲလုပ်နေတာပါ ....
ကျွန်မသူ့အနားရောက်တဲ့အချိန်မှာ သူကသူခင်းထားတဲ့ အခင်းလေးပေါ်မှာ ချမ်းနေတဲ့ပုံစံနဲ့ ....
ငုတ်တုတ်လေးထိုင်နေတာပါ ..ကျွန်မလေ အဲဒီအချိန်မှာ ရင်ထဲမှာဖြစ်နေတဲ့
ခံစားချက်ကိုဘာနဲ့မှ ဖော်ပြလို့မရဘူးထင်တယ် ...သနားတာ စိတ်မကောင်းတာ .....
ကျွန်မသူ့အတွက်တစ်ခုခု လုပ်ပေးလိုက်ချင်တယ် ...
အနီးဆုံး Mcdonald ဆိုင်တစ်ဆိုင်ကိုဝင်ပြီး မုန့်ဘဲဝယ်ပေးလိုက်ရင်
ကောင်းမလား......7-11 ဆိုင်တစ်ဆိုင်ဆိုင်ဘဲဝင်ပြီး မုန့်နဲ့ ကော်ဖီဘဲဝယ်ပေးလိုက်ရင်
ကောင်းမလား ...အပြေးအလွှားစဉ်းစားမိတယ် ...
နောက်ဆုံးသူလိုအပ်တာလေးတစ်ခုခု လုပ်ပေးခဲ့ချင်တယ် ...
စဉ်းစားမိကာမှ ပိုမောသွားပါတယ် ...အခုအချိန်မှာ သူ့အတွက် အလိုအပ်ဆုံးက
Mcdonald တို့ 7-11 တို့ ကမုန့်တွေ ပစ္စည်းတွေ မဟုတ်ပါဘူး ...
နွေးထွေးတဲ့ အိပ်ယာလေးတစ်ခုလိုအပ်နေတာပါ ....
သူလိုအပ်နေတဲ့ နွေးထွေးတဲ့ အိပ်ယာလေးတစ်ခုကိုတော့
ကျွန်မ .. ဘယ်လိုမှမဖန်တီးပေးနိုင်ပါဘူး ...
ကျွန်မသာတန်ခိုးရှင်တစ်ဦးဖြစ်ခဲ့မယ်ဆိုရင်တော့ သူလိုအပ်တာကိုဖန်တီးပေးနိုင်မှာပါ .....
ဒါပေမဲ့ ကျွန်မကလဲ လူတွေထဲက သာမန်လူသားတစ်ဦးဘဲဆိုတော့ .....
စိတ်မကောင်းခြင်းများစွာနဲ့ဘဲ သူ့ကိုကျောခိုင်းခဲ့ရပါတယ် ....
.လမ်းတစ်လမ်းလုံးလဲ တိတ်ဆိတ်လို့ ..
ကျွန်မစဉ်းစားမိတယ် ...ဒီလိုအသက်အရွယ်အဘိုးကြီးတစ်ယောက်မှာ သားသမီးမရှိဘူးလား...?
ဆွေမျိုးသားချင်းမရှိဘူးလား .... ? သားသမီးရှိရဲ့သားနဲ့များပစ်ထားတာလား ....
(ပြောလို့မရဘူးလေ ကျွန်မရောက်နေတဲ့ နိုင်ငံကလဲ မိဘနဲ့သားသမီးဆိုပြီးတော့
မိဘကျေးဇူးတွေဘာတွေ သိတတ်တဲ့လူမျိုးတွေကနည်းတယ်လေ ....).
ဒါမှမဟုတ် သူငယ်ငယ်ကအရမ်းဆိုးခဲ့ပေခဲ့ လို့များ ဒီလိုအသက်အရွယ်မှာ
ဒုက္ခရောက်နေတာလား ? လားပေါင်းများစွာနဲ့ဘဲ ကျွန်မအိမ်ပြန်ရောက်လာပါတယ် ...
လူကသာအိမ်ရောက်လာပါတယ် ...စိတ်ကတော့အဲဒီနားမှာကျန်ခဲ့သလိုပါဘဲ ....
ဒီလိုမျိုးအေးတဲ့ ညတွေကို သူဘယ်လောက်ရင်ဆိုင်နိုင်မှာလဲ ...
မွေ့ယာမရှိ ခေါင်းအုံးမရှိ စောင်မရှိ နဲ့ လမ်းဘေးမှာကြုံတဲ့နေရာမှာ
ကြုံသလိုအိပ်စက်ရတဲ့ ညတွေ ...သူ့အသက်အရွယ်နဲ့ဘယ်လောက်များ ခံနိုင်ရည်ရှိမှာလဲ .....
အဲဒီHomeless အဘိုးကြီးကတော့ သူ့ဘ၀ကိုဘယ်လိုစဉ်းစားထားလဲ ....
ဘယ်လိုအတွေးတွေနဲ့ ဖြတ်သန်းနေလဲ ကျွန်မမသိပါဘူး ...
ကျွန်မကတော့ သူ့နေရာမှာသာ ငါ့အဖေသာဖြစ်နေရင် ...ဆိုတဲ့အတွေးတွေနဲ့
ကိုယ်ချင်းစာစိတ်ထားပြီး စိတ်မကောင်းဖြစ်နေမိပါတယ် ....ကျွန်မအခုစာရိုက်နေတဲ့အချိန်မှာ ....အဲဒီhomelessကြီးလဲ သူ့ဟာသူဖန်တီးထားတဲ့ နေရာလေးမှာ အိပ်နေပါလိမ့်မယ် ....
အခုနေခါ ဘုရားကသာ လိုချင်တဲ့ ဆုတစ်ခုတောင်းပါလို့ပြောလာခဲ့ရင် ...
" ကျွန်မဘာဆုတောင်းသင့်သလဲ "

" လူတိုင်းလုံခြုံနွေးထွေးတဲ့ ဘ၀တစ်ခုပိုင်ဆိုင်ပါစေ...နွေးထွေးတဲ့ အိပ်ယာလေးမှာအိပ်စက်နိုင်ပါစေ..." လို့
ဆုတောင်းမိမှာပါ ...........။။။။။



(15.1.2010 3:20 AM)

13 January 2010

အမှတ်တရပုံရိပ်(၁)

Posted by blackroze at Wednesday, January 13, 2010 0 comments
ကျွန်မငယ်ငယ်ကအရမ်းဆော့ပါတယ်။ အရမ်းလဲဆိုးပါတယ်၊အရမ်းလဲသူများကိုအနိုင်ကျင့်တတ်ပါတယ်။
(ကိုယ်နိုင်လို့ရမည့်သူများကိုသာအနိုင်ယူခြင်းဖြစ်ပါတယ်)ဆော့ရင်းနဲ့လဲဒဏ်ရာခဏခဏရတတ်ပါတယ်။
တစ်ညနေသူငယ်ချင်းများနဲ့ကစားရင်း..စက်ဘီးနဲ့ဝင်တိုက်မိပါတယ်။စက်ဘီးက..၀င်တိုက်ခြင်းမဟုတ်ပါ။
ကျွန်မကသာရပ်ပြီး..မုန့်ဝယ်နေတဲ့စက်ဘီးကိုဝင်တိုက်လိုက်တာပါ၊
ကျွန်မကစက်ဘီးကိုဝင်တိုက်ခြင်းဖြစ်သောကြောင့်
အိမ်မှလူကြီးများကစက်ဘီးစီးလာတဲ့သူကို..အလျှော်ပေးပြီးကျွန်မအားအမြန်ဆုံးနည်းဖြင့်ဆေးခန်းပို့ကြပါသည်။
စက်ဘီးနဲ့တိုက်မိ၍မျက်ခုံးကွဲသွားသည်ကို..ဆရာဝန်ပြရန်ဖြစ်ပါသည်။
ဆေးခန်းရောက်တော့..ဆရာဝန်ကမေ့ဆေးပေး၍ချုပ်ပေးလိုက်ပါသည်။
ကျွန်မရဲ့ဘယ်ဘက်မျက်ခုံးမှာ..စက်ဘီးနဲ့ဝင်တိုက်မိလို့ချုပ်ထားရတဲ့..အမာရွတ်ရှိပါတယ်။
ကျွန်မကဘဲကံကောင်းတာလား..ဆရာဝန်ကဘဲတော်တာလားမသိပါဘူး။
အဲဒီအမာရွတ်ကသိပ်မသိသာဘူး။သေချာကြည့်မှမြင်တာပါ။
နောက်ပြီးဘယ်ဘက်လက်မှာလဲ...အမာရွတ်တခုရှိပါသေးတယ်၊
အဲဒါလဲ..ကစားရင်းနဲ့ရတာပါဘဲ။အဲဒီဒဏ်ရာကတော့
သူများကလုပ်လိုက်တာပါ။ကျွန်မမှတ်မိပါသေးတယ်..ချိုတူးဆိုတဲ့ကောင်လေးနဲ့..ကစားရင်းရန်ဖြစ်လို့..
သူကအချွန်နဲ့လှမ်းထိုးလိုက်တာပါ။ဒီတခါတော့..ကျွန်မကိုသူများက...အချွန်နဲ့ထိုးလိုက်တာမို့
အိမ်ကလူကြီးတွေပါဆက်ပြီးရန်ဖြစ်ကြပါတယ်။
နောက်တော့လဲအိမ်နီးနားချင်းတွေမို့လို့ပြန်ပြေလည်သွားတာပါဘဲလေ။
ဒါပေမဲ့...ကျွန်မလက်မှာတော့..ဒဏ်ရာတခုထပ်တိုးလာတာပေါ့။
မူလတန်းကျောင်းသူဘ၀ရဲ့..အမှတ်တရတွေအများကြီးထဲက...ဒီတစ်ခုက..ခုချိန်ထိအောင်မှတ်မှတ်ရရရှိနေဆဲပါ။

12 January 2010

မျှော်လင့်ဖူးသည်

Posted by blackroze at Tuesday, January 12, 2010 1 comments
မျှော်လင့်ဖူးသည်
သူနှင့်ရွယ်စူး ကိုယ့်ချစ်ဦးဟု ..
စိတ်ကူးကြည်ဖြူ ရည်တူသက်မျှ
မေ့မရလည်း ....
ကြေကွဲအတိတ် အရိပ်အိုဟောင်း
အသစ်ပြောင်းသော်...
လွန်နှောင်းနေ့ရက် အိမ်မက်မျှလျှင်
ရေးရေးထင်၍ ...
သခင်မေ့လျှက်
ပျော်လိမ့်မည် .......။။။

( ဒီကဗျာလေးဟာ လွန်ခဲ့တဲ့ ၁၀ နှစ်ပတ်ဝန်းကျင်ကျွန်မ ၁၀ကျောင်းသူ
ဘ၀ တုန်းကဖတ်ခဲ့ရတဲ့ဝတ္တုတပုဒ် ထဲမှာပါတာပါ..
စာရေးဆရာဘယ်သူဆိုတာလဲ မမှတ်မိတော့ပါဘူး
ဒါပေမဲ့ ကဗျာလေးကိုတော့ စိတ်ထဲမှာခုချိန်တိုင်အောင်
မှတ်မိနေဆဲပါ ..ကျွန်မနှစ်သက်တဲ့ ကဗျာလေးပါဘဲ...)

(12.1.2010 1း40 am )

ခွဲခွာချိန်

Posted by blackroze at Tuesday, January 12, 2010 1 comments
နွေရာသီရောက်လာတာကိုက စောလွန်းတယ်……
အဲဒီလောက်မွန်းကြပ်မယ်မှန်းသိခဲ့ရင်
(အစကတည်းက)
အသက်ရှူတတ်အောင် ငါမသင်ခဲ့ပါဘူး………..

သစ်ပင်တွေသွေ့ခြောက်
အသံတစ်သံကို ကြောက်နေရသလိုလို
အချစ်ရေ..တို့စိတ်နဲ့… တို့ကိုယ်ဘဲ
သစ်ရွက်တွေလိုဘဲ..အတူကြွေပစ်လိုက်ကြမယ်…
ဘာ..ဖြစ်..လို့…ခွဲ….ရ..မှာ…လဲ..ကွယ်…

မြက်ခင်းတွေ…အမြဲစိမ်းနေတာ…မြင်ရအောင်
ဘ၀ကို…ဘောလုံးကွင်းဘဲ ဖြစ်လိုက်စေချင်တော့တယ်…
အခုတော့……

နွေရာသီ ရောက်လာတာကိုက စောလွန်း…..
(မင်း…သွားမယ်ဆိုလဲ)
စကားတစ်ခွန်းတော့ နှုတ်ဆက်ခဲ့ဖို့ကောင်းတယ်…………။။။။

(ဆရာမင်းခိုက်စိုးစံ ရဲ့ကဗျာလေးပါ)
(12.1.2010 1:15 am)

ဗေဒါလမ်း

Posted by blackroze at Tuesday, January 12, 2010 0 comments
ဗေဒါလမ်း
ညိုပြာပြာ လတာပြင်ခြေရင်း
လှိုင်းတက်ရာ ဗေဒါတက်
လှိုင်းသက်ရာဆင်း
ဆင်းရလည်းမသက်သာ
အုန်းလက်ကြွေ ရေပေါလော
မျောစုန်လို့လာ
အဆင်းနဲ့ အလာ
ဗေဒါမအထွေး။
အုန်းလက်ကြွေ
သူ့ နံဘေး၊ ဆောင့်ခဲ့ရသေး
ဆောင့်ခဲ့လည်းမသက်သာ
နောက်တစ်ချီ ဒီတစ်လုံးက
ဖုံးလိုက်ပြန်ပါ
မြူပ်လေပေါ့ ပေါ်မလာ
မဗေဒါအလှ
တစ်လံကွာ လှိုင်းအကြွ
ပေါ်လိုက်ပြန်ရ
ပေါ်ပြန်လည်းမသက်သာ
ချောင်းအစွယ်
မြောင်းငယ်ထဲက
ဘဲထွက်လို့လာ
ဘဲအုပ်မှာတစ်ရာနှစ်ရာ
ဗေဒါကတစ်ပင်တည်း။
အယက်အကန်ခံလို့ 
ဗေဒါပျံ အံကိုခဲ
ပန်းပန်လျက်ပဲ........။။။။

(ဆရာဇော်ဂျီရဲ့ ဗေဒါလမ်းကဗျာလေးပါ...)
(12.1.2010 12း50 am )

10 January 2010

ကျွန်မရဲ့ angel ......

Posted by blackroze at Sunday, January 10, 2010 0 comments
ဒီနေ့ ကျွန်မအလုပ်အသစ်ကို ပထမဆုံးစသွားရတဲ့နေ့ပေါ့ အလုပ်ကလဲခုမှစတက်ရတဲ့ အသစ်စက်စက်လေး သူငယ်ချင်း အပေါင်းအသင်း ကလဲ အသစ်တွေဘဲဆိုတော့ နဲနဲတော့စိတ်အားငယ်မိသား .. ပထမဆုံး ကျွန်မရဲ့ အလုပ်ခေါ်စာနဲ့ cvform,ဘွဲ့လက်မှတ်, ဆေးစစ်ထားတဲ့ ထောက်ခံချက်စာရွက်တွေနဲ့ ကျွန်မအလုပ်ဝင်ရမဲ့ section က စာရေးမကို အရင်ဆုံးသွားတွေ့ရတယ်...သူကမှ တဆင့် ကျွန်မ တို့section က GM နဲ့သွားတွေ့ရတယ်..
GM နဲ့ နဲနဲပါးပါးစကားပြောမေးမြန်းပြီတော့(interview ပေါ့ရှင်) ကျွန်မ ကို senior မမ တစ်ယောက်နဲ့ မိတ်ဆက်ပေးတယ် ..အင်းးး အဲဒီမှာစတွေ့တယ်ဘဲပြောရမှာပေါ့နော်..
အသားနည်းနည်းညိုညို မျက်နှာဝိုင်းဝိုင်း မျက်မှန်တပ်ထားတဲ့ မျက်လုံးတစ်စုံနဲ့ ကျွန်မကို မျက်လုံးကလေးဝင့်ပြီးကြည့်လိုက်
ကတည်းကနဲနဲတော့ သဘောပေါက်လိုက်ပါတယ်လေ..ငါတော့သွားပြီလို့..ဒီမမနဲ့သာတွဲလုပ်ရရင်တော့ ...
တော်တော်အဆင်ပြေအောင် ကြိုးစားနေရမယ်ဆိုပြီးတော့ပါ ..သူကကျွန်မ ဆရာပါ ကျွန်မနားမလည်တဲ့ စက်အကြောင်း.... ကျွန်မ မသိသေးတဲ့ အလုပ်နဲ့ ပတ်သက်တဲ့ အကြောင်းတွေကို သူသင်ပေးရမှာပါ .....
ဒါပေမဲ့ ကျွန်မလေ...သူနဲ့တွဲလုပ်ခဲ့ရတဲ့နေ့တွေမှာ အရမ်းကို စိတ်ပင်ပန်းခဲ့ရတယ် ....သူရဲ့ဇီဇာကြောင်မှု့တွေ ကျွန်မကိုညှာတာမှု့ကင်းမဲ့တဲ့လေသံမာမာနဲ့ ဟောက်စားလုပ်ခဲ့တာတွေ ..မျက်မှန်အောက်က အေးစက်စက် မျက်ဝန်းတွေကို
ရင်ဆိုင်ခဲ့ရတိုင်း ကျွန်မအရမ်းကို စိတ်အားငယ်ခဲ့ရတယ် အရမ်းဝမ်းနည်းခဲ့ရတဲ့ နေ့တွေဆိုတာ တော်တော်များခဲ့ပါတယ် ...
အဲဒီအချိန်မှာဘဲ ကျွန်မကိုအလုပ်ထဲက ကောင်မလေးတစ်ယောက်က သူ့ကိုယ်သူ လာမိတ်ဆက်ခဲ့တယ်လေ ...
သူ့ရဲ့ ၀န်ထမ်းကဒ်ပြားလေး ပြပြီး သူ့နာမည်ကဘယ်သူ ...သူကဘယ်နေမှာနေတယ်..ထမင်းစားရင်သူနဲ့တူတူလာစားဖို့
ပြောခဲ့တယ် ..ကျွန်မစိတ်ထဲမှာလေ အရမ်းအံသြပြီး အရမ်းလဲသူ့ကိုခင်သွားပါတယ် ..ကျွန်မရဲ့ senior အပျိုကြီးမမနဲ့ အဆင်မပြေ ဖြစ်တိုင်း ကျွန်မရဲ့ သူငယ်ချင်းလေးက အမြဲဘဲလာအားပေးခဲ့ပါတယ်.. ''' ငါတို့တွေလဲအလုပ်ဝင်စကအဲလိုဘဲ
senior မမတွေက ဒီအတိုင်းဘဲ ..နင်စိတ်ဓါတ်မကျနဲ့ ငါရှိတယ် ..နင်သိချင်တာရှိရင် ငါကိုလာမေး..
ဘာမှ စိတ်ညစ်မနေနဲ့ ဆိုပြီး ''' ... ကျွန်မ ကိုတွေ့တိုင်းအားပေးခဲ့တယ်လေ..သူ့ရဲ့ အားပေးစကားတွေနဲ့တွေ့တိုင်းပြုံးပြ
တတ်တဲ့ သူ့အပြုံးတွေနဲ့ ကျွန်မ အလုပ်အသစ်မှာ ရင်ဆိုင်ဖို့အားမွေးခဲ့ရတယ်ပေါ့နော် .....
ကျွန်မသူ့ကိုအရမ်းကျေးဇူးတင်ပါတယ် ..ကျွန်မကို ပတ်ဝန်းကျင်အသစ်မှာနေသားတကျ ဖြစ်အောင် သူအများကြီး ကူညီခဲ့ပါတယ် သူဟာ ကျွန်မ တန်ဖိုးထားခင်မင်ရမဲ့ သူငယ်ချင်းကောင်းတစ်ယောက်ပါ ...ကျွန်မ မထင်မှတ်ဘဲ တွေ့လိုက်ရတဲ့ angel လေးပါဘဲ ...လူတစ်ယောက် ရေငတ်နေတဲ့ အချိန်မှာလာတိုက်တဲ့ ရေတစ်ခွက်ရဲ့ တန်ဖိုးဟာ ဘာနဲ့မှလဲလို့ မရပါဘူး ..အကူအညီလိုနေတဲ့ သူကိုတွေ့ရင် ကိုယ်တတ်နိုင်တာဆို ကူညီဖို့ဝန်မလေးပါနဲ့ .. ကိုယ့်ရဲ့ အပြုံးတစ်ချက် စကားလေးတစ်ခွန်းဟာ ..သူ့အတွက် အကျိုးရှိမယ်ဆိုရင် ...ပြုံးပြလိုက်ဖို့ဝန်မလေးပါနဲ့နော် ....
အားပေးစကားလေးတစ်ခွန်းလောက် ပြောဖို့အတွက်ဝန်မလေးပါနဲ့နော်....


( ကျွန်မရဲ့ သူငယ်ချင်းလေး 家盈....သို့ အမှတ်တရ )
( 10.1.2010 sunday 02:10 am )

08 January 2010

ကြိုး……

Posted by blackroze at Friday, January 08, 2010 0 comments
မမြင်ရတဲ့ကြိုးတွေဟာ
ဘယ်လောက်များခိုင်သလဲနော်
ဒီကြိုးတွေကိုဘာနဲ့များ
ဖြတ်တောက်ပစ်ရပါ့မလဲ....

အခန်းကျဉ်းလေးထဲက
နံရံလေးဘက်ကြားမှာ
မွန်းကြပ်မှု့တွေနဲ့
ပြည့်သိပ်နေတဲ့ဘ၀.......

ကြိုးတချောင်းထဲတောင်မဟုတ်ဘဲ
ကြိုးပေါင်းများစွာနဲ့
ချည်နှောင်ခံထားရတဲ့ဘ၀......

စိတ်ခံစားချက်ဆိုတာဘေးချိတ်လို့
လက်တွေ့ဘ၀ရဲ့တာဝန်တွေကြားထဲမှာ
အမြဲသံပတ်ပေးခံနေရတဲ့ဘ၀........

အနာဂတ်နေ့ရက်တွေ
ပျောက်ဆုံးလို့
စက်ရုပ်ဆန်စွာလှုပ်ရှုားနေရတဲ့ဘ၀........

ရက်လနှစ်တွေကို
အချိန်ဆိုတဲ့ရထားကြီးက
တဖြည်းဖြည်း တိုက်စားသယ်ဆောင်သွားပေမဲ့
ချည်နှောင်ထားတဲ့ ကြိုးတွေကတော့
လျှော့မသွားတဲ့အပြင်
ပိုလို့တောင် တင်းကျပ်လာပါလား........

တခါတရံတော့လည်း
မမက်ဖူးတဲ့ အိမ်မက်တွေမက်ကြည့်လို့
ခရီးဖော်တစုံတယောက်ကို
စိတ်ကူးနဲ့ ပုံဖော်ကြည့်မိပါရဲ့.......

လှပတဲ့အနာဂတ်နေ့လေးတွေရှိနေမလားလို့........

သက္ကရာဇ်တွေသာအိုသွားမယ်
ငါ့ဘ၀ကတော့
နှောင်ကြိုးတွေကြားထဲမှာ.......

အားးးးးးးးးးးးးးး..
အသက်ရှုကျပ်လိုက်တာလေ...........။။။။။

ထာဝရ ချစ်နေခွင့်…

Posted by blackroze at Friday, January 08, 2010 0 comments
အချစ်ရေ.....
သိပ်လှတဲ့ မင်းမျက်ဝန်းရဲ့
ညှို့ငင်မှု့အောက်မှာ
အခါခါ ကျဆုံးလို့
ပေးဆပ်ခြင်းဆိုတာ
ငါ့ အချစ်တွေရဲ့
သင်္ကေတ တစ်ခုပါ.........

အချစ်ရေ.....
မင်းပါးပြင်ထက်က
သနပ်ခါးရနံလေးကို
တရှိုက်မက်မက်
နမ်းရှိုက်ခွင့်လေး ရချင်မိတာ
ငါ့ရင်ထဲက ဆန္ဒတစ်ခုပါ......

အချစ်ရေ......
ညပေါင်းများစွာမှာ
အိမ်မက် နတ်သမီးလေးအဖြစ်နဲ့
စိုးမိုးနေတဲ့ မင်းလေးက
ငါ့ဘ၀ရဲ့ angel လေးတစ်ပါးပါ.............

အချစ်ရေ.....
မင်းနှတ်ခမ်းဖျားလေးက
ထွက်ကျလာတဲ့
စကားလုံးလေးတွက
ငါ့ဘ၀ ရဲ့ သံစဉ်လေးတပုဒ်ပါ......

အချစ်ရေ....
လေပြေအနော့မှာဝေ့နေတဲ့
မင်းဆံနွယ်လေးတွေက
ငါ့ ဘ၀ရဲ့
ကဗျာလေးတစ်ပုဒ်ပါ......

အချစ်ရေ......
နူးညံတဲ့မင်းအပြုံးလေး တစ်ပွင့်က
ငါ့ဘ၀ရဲ့ ..
မျှော်လင့်ချက် ရောင်ခြည်လေးပါ

အချစ်ရေ....
ငါပိုင်ဆိုင် တဲ့
ငါ့ နှလုံးသားထဲက
ချစ်ခြင်းတရားတွေကို
မင်းခြေရင်းမှာ ပုံချလို့
ပေးဆပ်ခြင်းတွေ နဲ့
ထာဝရ ချစ်နေခွင့်လေးပေးပါ.....

ပြိုပါနဲ့……….မိုး

Posted by blackroze at Friday, January 08, 2010 0 comments
ကောင်းကင်တစ်ခွင်
အုံ့ညိုမှိုင်းလို့
ရှစ်ခွင်တိုင်းက
တိမ်မည်းတွေညို
ပြိုပါနဲ့မိုးမင်းရယ်
ဟိုတောင်ပေါ်
လျှပ်ပန်းလက်လို့
မိုးခြိမ်းသံကြားလျှင်ဖြင့်
ကိုယ့်ချစ်သူ
အားငယ်လိမ့်မယ်
တိမ်ခိုးရယ်
လွင့်ပြယ်လှည့်ဦး……..

ကော်ဖီအချစ်……..

Posted by blackroze at Friday, January 08, 2010 1 comments
ကော်ဖီကြိုက်တဲ့
ငါ့ဘ၀ထဲကို.....မင်းက
ကော်ဖီတခွက်လို
ခါးဆိမ့်ဆိမ့်
အရသာလေးပေးလို့
တိုးဝင်လာခဲ့တယ်.......

Cappuccino.......လား
Esspresso..........လား
Mocha.............လား
မြည်းစမ်းရင်းနဲ့ဘဲ
ငါ့....နှလုံးသားတခုလုံး
ကော်ဖီဆိပ်သင့်ခဲ့တယ်.......

တခါတရံမှာ...မင်းက
Starbucks...လေးလို
ရသ ပေါင်းစုံပေးလို့
ငါ့...ဘ၀တခုလုံးကို
အပိုင်သိမ်းလိုက်တယ်......

တခါတရံမှာတော့.... မင်းက
Nes.......လေးလိုပါဘဲ
ခါးသက်သက်ရနံလေးကို
ရလိုက်စဉ်ခဏမှာ
နှစ်သက်သွားမိသလို
မင်းစကားသံလေးကြားလိုက်တဲ့
တခဏလေးအတွင်းမှာ
ငါလေ.......မင်းရှေ့မှာ
ဒူးထောက်အရှုံးပေးရက်သား
ဖြစ်သွားတယ်........

တခါတရံနဲ့
ကြာဖန် များလာတော့လဲ
မင်းပေးခဲ့တဲ့
ကော်ဖီ အဆိပ်တွေက
ငါ့ရဲ့..ချစ်ခြင်းတရားမှာ
စီးဝင် နစ်မျောလို့........

ခုတော့...........ငါ့ရဲ့
........ရင်ခုန်သံတိုင်း
........အိမ်မက်တိုင်း
........ခါးသက်လို့နေတယ်
ကော်ဖီအချစ်လေးရယ်.........။။။။

တိတ်တခိုးအလွမ်း.....

Posted by blackroze at Friday, January 08, 2010 0 comments
လေပြေလေညှင်းလေးရေ.....
ငါ့ရင်ထဲက အချစ်တွေကို
သူ့စီကိုတိုက်ခတ်
သယ်ဆောင်သွားပေးပါ
သူ့ရင်ထဲကများ လိုအပ်နေမလားလို့ပါ....

မိုးစက်လေးရေ.....
ငါ့ရင်ထဲက အကြင်နာတွေကို
သယ်ဆောင်ပြီး
မိုးစက် မိုးပေါက်တွေအဖြစ်နဲ့
သူ့အပေါ်ရွာသွန်းပေးပါ
သူ့နှလုံးသားလေးများ
ခြောက်သွေ့နေမလားလို့ပါ....

နေခြည်လေးရေ......
ငါ့ရင်ထဲက မေတ္တာတရားကို
ိုသယ်ဆောင်ပြီး
သူ့ကိုလွမ်းခြုံပေးပါကွာ
အေးစက်နေတဲ့ သူ့ခံစားမှု့တွေကို
ပြန်လည်နွေးထွေးစေချင်လို့ပါ...

စမ်းချောင်းလေးရေ....
ငါ့ရင်ထဲကအလွမ်းတွေကို
သယ်ဆောင်စီးဆင်း သွားပါနော်..
မျှော်လင့်ဝေးဝေး ခပ်ဆွေးဆွေးမို့
မ၀ံမရဲ....တိတ်တခိုးအလွမ်းတွေအကြောင်း
သူ့ကို ပြောပြပေးပါ........။။။။။။

မျက်ရည်မိုး......

Posted by blackroze at Friday, January 08, 2010 0 comments
ရင်ခုန်သံတွေ တိုးတိတ်လို့
အိမ်အပြန် လမ်းမထက်မှာ
ငါ.. တယောက်ထဲလေ

ညရဲ့မှောင်မိုက်မှု့တွေရဲ့ကြား
မက်နေကြ အိမ်မက်တွေ
ပျောက်ဆုံးတိတ်ဆိတ်လို့
စိုးတထိတ်ထိတ်နဲ့
အိပ်ပျက်ညပေါင်းများစွာ

အခု...ငါ့မှာလေ
ဆောက်တည်ဖြေဆည်ရာ
မရလောက်အောင်ကို
ရင်ခွင်တခုလုံး
ဟင်းလင်းပွင့်ခဲ့ပေါ့

မင်းအတွက်ရယ်လို့
ရည်ရွယ်ထားတဲ့
မြတ်နိုးခြင်း မိုးတိမ်တွေက
ခပ်သည်းသည်းရွာချလို့

အခုည တော့.......
မျက်ဝန်းထဲလဲ .......
မျက်ရည်မိုးတွေရွာ.........။

အချစ်ရူး....

Posted by blackroze at Friday, January 08, 2010 0 comments
ဒီလောက်ထိတော့ ရူးမယ်လို့
မထင်မိတာအမှန်ပါ........

သူငယ်ချင်းတွေကပြောတယ်
နင့်ရဲ့အချစ်ပုံစံမျိုးကို
ဘယ်ဒဿနဆရာကမှ
အဓိပ္ပါယ်ဖွင့်ဆိုတတ်မှာ
မဟုတ်ဘူးတဲ့.............

ရင်ဘတ်ထဲက ခုန်နေတဲ့
နှလုံးသားကိုမှ အားမနာ
ပြောရက်လိုက်ကြတာ........

ထိရှခံစားလွယ်တဲ့ နှလုံးသားထဲကို
ချစ်ခြင်းတရားဆိုတာ
ဝင်မလာနိုင်အောင်
ဘယ်တံတိုင်းနဲ့ ကာရန်မလဲ.......

သံယောဇဉ်ငြိတွယ်
ချစ်မိလွယ်တတ်တဲ့စိတ်ကို
ဘယ်လိုဆင်ခြင်တုံတရားနဲ့
သော့ခတ်ထိန်းသိမ်းရမှာလဲ......

အချစ်မှာ
ဘာကြောင့်ချစ်လဲဆိုတဲ့
အကြောင်းပြချက်နဲ့
အတ္တသဘောဆောင်တဲ့
ရယူပိုင်ဆိုင်ခြင်းမျိုးမလို
ချစ်နေဖို့ဘဲလိုတယ်ဆိုတဲ့
ခံစားချက်ကို
နှလုံးသားမှိုင်းမိနေတယ်လို့
စွပ်စွဲကြပြန်တယ်.........

ဝေဖန်ပစ်ခတ်နေတဲ့
စကားလုံးမိုင်းတွေကနေ
လွတ်မြောက်ဖို့ အတွက်
ရှေ့ခရီးကို မမြင်မစမ်း
ဝိုးတ၀ါးနဲ့လှမ်းနေမိတဲ့
ခြေလှမ်းတိုင်းမှာ
ခွန်အားတွေပျောက်ဆုံးနေပါလား.......

မျက်စိဖွင့်ခြင်းနဲ့ မှိတ်ခြင်းကြားမှာ
လျှပ်တပြက်မက်မိတဲ့
အိမ်မက်တွေထဲက
ချစ်သူရဲ့အနမ်းတွေအကြောင်း
ပြောပြမိတော့
အိမ်မက်ထဲမှာရခဲ့တဲ့
ကြည်နူးမှု့လေးကိုမှ အားမနာ
ပေးလိုက်တဲ့ သြဘာက
ဟားဟားဟားဟား......တဲ့......

စိတ်စေရာ လွတ်လပ်တဲ့မြက်ခင်းမှာ
ချည်နှောင်ခြင်းမဲ့စွာနဲ့
ချစ်သူလက်ကိုဆွဲ
တွဲလျှောက်ချင်မိပါရဲ့လို့
ဖွင့်ဟမိပြန်တော့
တုံ့ပြန်မှု့စကားလုံးတွေက
မညှာတာရက်စက် လွန်းလှပါတယ်
''''''' အချစ်ရူး """"' တဲ့လေ.......။။။။။။။။

အလွမ်းဖွဲ့ည.....

Posted by blackroze at Friday, January 08, 2010 0 comments
သံယောဇဉ်တွေ
တစ်ပင်နှစ်ပင်လိမ်ပြီး
ချစ်မိပြီဆိုမှဖြင့်လေ......
အသည်းအသက်ကို
နှင်းအပ်လို့
ဘ၀တခုလုံးပုံချစ်ပါရစေ....
သခင်မယုံချင်
မကြင်နာရှောင်ဖယ်စိမ်းလို့
တိမ်းခဲ့ပြီဆိုမှဖြင့်ရင်ကွယ်....
အလွမ်းဖွဲ့ပါရစေ
ညတွေထဲမယ်
စိုးထိတ်လှတယ်
အသဲရယ်ငယ်ငယ်......

သို့……..သူငယ်ချင်း

Posted by blackroze at Friday, January 08, 2010 0 comments
အေးအတူ..ပူအမျှ
ကောင်းအတူ..ဆိုးအတူရယ်လို့
မတိုင်ပင်ထားပါပဲနဲ့
ဖြူစင်တဲ့စိတ်ဓာတ်လေးတွေကိုယ်စီနဲ့
တယောက်ကိုတယောက်ဖေးမလို့
ဘ၀ရဲ့အစိတ်အပိုင်းတချို့ကို
အပူပင်ကင်းကင်းနဲ့
ကျော်ဖြတ်ခဲ့ဖူးပါတယ်.....

ဘ၀တဆစ်အချိုးအကွေ့မှာ
ရည်ရွယ်ရာဘ၀ချင်းမတူလို့
တယောက်တကွဲစီ
လမ်းခွဲနှုတ်ဆက်လို့ကျောခိုင်းခဲ့ရတယ်နော်....
ဘယ်လောက်ဘဲဝေးဝေး
ဘယ်နေရာဘဲရောက်နေရောက်နေ
တယောက်ကိုတယောက်
မမေ့ကြေး...သတိရကြေး
ကတိကိုယ်စီပေးလို့
အလွမ်းတွေအမှတ်တယတွေကို
ရင်ထဲသိမ်းဆည်းလို့
ဘ၀ဆိုတဲ့ဇာတ်ခုံပေါ်မှာ
အရှုံးနဲ့ရင်မဆိုင်ရအောင်
သတ္တိမွေးပြီးရှေ့ဆက်ဖို့ပြင်ဆင်ခဲ့ရတယ်.....

မာယာများလှတဲ့လောကကြီးထဲမှာ
တယောက်ထဲရပ်တည်နိုင်အောင်
ကြိုးစားရင်း
ပြန်မရနိုင်တော့တဲ့စာသင်ခန်းထဲက
အဖြူရောင်ငယ်ဘ၀လေးကို
အရမ်းသတိရမိပါရဲ့....

အားလုံးကိုယ်စီကိုယ်စီတာဝန်တွေနဲ့
လျှောက်လှမ်းနေကြတဲ့ဘ၀ခရီးမှာ
အလွယ်တကူပြန်ဆုံဖို့ဆိုတာ
မဖြစ်နိုင်တော့ဘူးလား.......

လောကကြီးရဲ့တထောင့်တနေရာမှာ
တနေ့နေ့တချိန်ချိန်ပြန်တွေ့တဲ့အခါ
စာသင်ခန်းထဲက
အဖြူရောင်စိတ်ဓာတ်လေးတွေကို
အရောင်မဆိုးခဲ့ပါနဲ့.......သူငယ်ချင်း

စာသင်ခန်းထဲမှာ
ထားခဲ့ဖူးတဲ့ကတိတွေကို
မမေ့လိုက်ပါနဲ့...........သူငယ်ချင်း

ဘယ်လောက်ပဲဝေးကွာခဲ့ပါစေ
ထာဝရဖြူစင်တဲ့
အဖြူရောင်သူငယ်ချင်းပဲဖြစ်ပါရစေ...........

တစိမ်းတွေပေါ့.....

Posted by blackroze at Friday, January 08, 2010 0 comments
တွယ်တာလှပေမဲ့
ကွယ်ရာကဘဲချစ်တော့မယ်..
အဆင်းခက်လေတော့
မကြင်ရက်တယ်ဆိုလေမလား.
ငြိုငြင်ရင်ကိုယ့် အပြစ်ပါဘဲကွယ်..
သံယောဇဉ် ခွေကာရစ်ပေမဲ့
ပြန်ပြောရင်ဝေဒနာ
ဖြစ်ယုံမို့ ရင်ထဲမှာတော့
တစ်မြေ့မြေ့ကျင်
တစ်ငွေ့ငွေ့ပင်ပူလောင်ပေါ့…
စိတ်ညစ်ခါပူပန်ကဲပေမဲ့
အယူခံမ၀င်ရဲသူမှို့
မာယာတွေဟန်ဆောင်ထိန်းကာ
တစိမ်းတွေပေါ့ ......

ဥပေက္ခာအချစ်....

Posted by blackroze at Friday, January 08, 2010 0 comments
အချစ်ဆိုတဲ့စကားလုံး
နှလုံးသားထဲရိုက်ခတ်
စိတ်လိုတိုင်းဖန်တီး
မျက်ကန်းတယောက်လို
ချစ်ခဲ့ဖူးတယ်......

နေ့....ည...မသိ
မင်းတယောက်သာ
တကမ္ဘာထင်လို့
မဆုံးတဲ့လမ်းတလျှောက်
စိတ်ကူးနဲ့ တွဲလျှောက်ခဲ့ဖူးတယ်.....

မရေးတတ်..ရေးတတ်
မင်းဖို့ရည်ရွယ်ခံစားလို့
ကဗျာအပိုင်းအစလေးတွေ
စီခဲ့ဖူးတယ်..........

အထီးကျန်ညတွေထဲ
တယောက်ထဲကြိတ်မှိတ်
မင်းကိုတမ်းတလို့
ရင်ထဲကစကားလုံးတွေ
သံစဉ်ကြိုး ညှိခဲ့ဖူးတယ်.......

အတုအယောင်တွေများတဲ့
လောကကြီးထဲမှာ
ဆိုးဆေးမပါတဲ့
အဖြူရောင် အချစ်နဲ့
မင်းကိုလွမ်းခဲ့ဖူးတယ်........

တောင်စဉ်ခုနှစ်ထပ်
သမုဒ္ဒရာဖြတ်လို့
ဝေးတနေရာက
ညလေနဲ့ မြူးပါလာတဲ့
မင်း...အနမ်းတွေကို
အငမ်းမရ ဖမ်းဆုပ်လို့
ဒီရင်ဘတ်ထဲ သော့ခတ်သိမ်းဖူးတယ်......

လရောင်မဲ့
အမှောင်ခန်းလေးထဲမှာ
လေလှိုင်းကြားက
တီးတိုးမင်းစကားသံလေးတွေ
နာခံ နားထောင်ရင်း
ကြည်နူးခဲ့ဖူးတယ်.........


နေ့တွေ......ညတွေ
လင်းတလှည့်
မှောင်တလှည့်
ဖြတ်သန်းရင်း
ကြိုသိထားတဲ့
အဆုံးသတ်...နီးနေပြီလား.........

မြတ်နိုးစွာချစ်ခဲ့မိတဲ့
ဒီအချစ်တွေကို
မဆုံနိုင်တဲ့..ဘ၀နှစ်ခုကြောင့်
လွှင့်ပစ်လိုက်ရတော့မှာလား.........

မင်းဘ၀...ကမ္ဘာဘက်ခြမ်း
ထွန်းလင်းဖို့အတွက်
ငါ့ဘ၀......ကမ္ဘာဘက်ခြမ်း
မှောင်မိုက်နေပါစေ.........

ချစ်ခြင်းက....နာကျင်ခြင်းဆိုရင်
ကျေးဇူးပြုပြီး...ငါ့အနားမလာပါနဲ့တော့
ဒီအချစ်တွေနဲ့.......အတူ
ငါတယောက်ထဲဘဲ
နာကျင်ကြေကွဲပါရစေ.........

ဥပက္ခောအချစ် ဆိုတာ
ငါ့...တယောက်ထဲအတွက်သာ
ဖြစ်ပါရစေ...............။။။
 

ခံစားမှု့သံစဉ် Copyright © 2010 Design by Ipietoon Blogger Template Graphic from Enakei