ဒေါသတရားနဲ့တနေ့တာ..

ဒီတပါတ်ထဲမှာ အလုပ် 5ရက်ဆက်တိုက်နားပါတယ် ..။ တခါမှအဲလောက် နား၇က်မရဘူးပါဘူး ..။ ကျမအလုပ်က holiday ကို sat sun ပေးတာမဟုတ်ဘဲ ကြားရက်တရက်ကို အလှည့်နဲ့ day off ယူပေးရတာပါ ။ အခုလမှာနားရက် အပြောင်းနဲ့ဆိုတေ့ာ sun mon နှစ်ရက်ရတယ် ...။နောက်ပြီးကျမတနှစ်မှာ ၇တဲ့ခွင့် ရက်တွေကို အခု 12လပိုင်းမကုန်ခင် အပြီးသုံးပေးရမယ် ။အဲတာနဲ့အကုန်ပေါင်းလိုက်တာ့ 5ရက်တိတိ နားခွင့်ရသွားပါတယ်....။

ဒီရက်တွေမှာဟိုဟာလုပ်မယ် ဒီဟာလုပ်မယ်ဆိုပြီး အစီအစဉ်တွေအများကြီးဆွဲထားပေမဲ့ တကယ်တကယ်တော့ သေချာဘာမှမလုပ်ဖြစ်သလိုလိုဘဲ ဟိုယောင်ယောင် ဒီယောင်ယောင်နဲ့ အခုဆိုရင် 3ရက်တိတိ နားပြီးသွားပါပြီ..အဲ...အမြဲတမ်းမှန်မှန်လုပ်နေတာကတော့ ညတိုင်းအွန်လိုင်းမှန်မှန်တက်နေတာပါဘဲ..ဟိုကြည့်ဒီကြည့်နဲ့ ဟိုဟာလိုက်ဖတ် ဒီဟာလိုက်ဖတ်နဲ့
အဲတာခုဘဲမှန်မှန် လုပ်ဖြစ်ပါတယ်....ပြောချင်နေတဲ့အကြောင်းကိုဘဲရောက်အောင်ပြောပါတော့မယ်လေ..

ဒေါသတရားနဲ့တနေ့တာ(မနက်ပိုင်း)

ဒီနေ့ မနက်အိပ်ယာကစောစောထပါတယ်....ဒီနေ့လုပ်စရာနှစ်ခုရှိပါတယ် ..တခုက ဆံပင်ညှပ်ဆိုင် သွားမလို့ပါ ဆံပင်လည်းမညှပ်ဖြစ်တာ 5လနီးပါးရှိတော့မယ် .. ဒုတိယတခုက သူ့စီဖုန်းခေါ်ရမှာပါ ...။
ဆံပင်ညှပ်ဆိုင်တခုဘဲသွားစရာရှိရင် 11 နာရီ 12 လောက်မှသွားလည်းရပါတယ်..ဒါပေမဲ့ ဖုန်းဆက်ရမဲ့ကိစ္စက မနက် အစောပိုင်းဘဲဆက်လို့အဆင်ပြေတာပါ..ဒါကြောင့်အိပ်ရေးပျက်ခံပြီးစောစောထရပါတယ်..
မနက် 9နာရီဆိုတာ ကျမလိုခါတိုင်း 12နာရီလောက်မှထနေကြသူအဖို့အ၇မ်းစောပါတယ်...။။ဒါပေမဲ့ ကျမထပြီး ဖုန်းခေါ်ပါတယ်...ထုံးစံအတိုင်းပါဘဲ သကောင့်သားက မရှိပါဘူး ..ဖုန်းကိုင်တဲ့သူက
ခုနကတော့သူ့ဖုန်းလာစရာရှိတယ်ဆိုပြီး စောင့်နေတယ်တဲ့ အခုဘယ်ထွက်သွားလဲမသိဘူးတဲ့
ကျမကိုဖုန်းဆက်ခိုင်းထားပြီးမဆက်မချင်းထိုင်စောင့်နေလေ..ဘာလို့ဒီလိုဖြစ်နေရတာလဲ...
ရင်ထဲမှာဒေါသကဟုန်းခနဲ တောက်လာတာပါ...သူသိပ်လွန်နေပြီ...


မနေ့ကလေးတင် တယောက်နဲ့တယောက် အခြေအတင် ပြောဆိုရန်ဖြစ်ပြီးသွားပြီး...ဒီလိုမကြိုက်ပါဘူးဆိုတာပြောထားရဲ့သားနဲ့ ဒီလိုပုံစံလာထပ်လုပ်ပါတယ်...ပြောလိုက်ရင် မေးလိုက်ရင် တာဝန် ဆိုတဲ့ခေါင်းစဉ်ကိုအကြောင်းပြပါတယ် ..သူကတာဝန်နဲ့အမိန့်ကိုနာခံရတဲ့သူမို့ပါတဲ့ ...အဲဒါကြောင့်နားလည်ပေးပါနော် ဆိုတဲ့ စကားကိုလက်ကိုင်ထားပါတယ် ....။ကျမကရော တာဝန်တွေ အမိန့်တွေမရှိဘူးလား...ကျမကရော..အားနေလို့လား ...ကျမသူ့စီဖုန်းတခါဆက်ဖို့ အိပ်ေ၇းပျက်ခံရတယ် ဖုန်းကဒ် တကဒ်ကို TWN $ 180 ပါ ...ပိုက်ဆံအကုန်ခံရပါတယ် တခါတလေ..ကဒ်နဲ့ခေါ်လို့မဝင်ရင်စိတ်မရှည်ဘဲ Hand phone နဲ့ဘဲဒီတိုင်းခေါ်ပလိုက်တာပါ...ဒီလကုန်ရင်လာမဲ့ phone bill တောင် မကြည့်ရဲလောက်အောင်ပါဘဲ အနည်းဆုံး တထောင်ကျော်မယ်ဆိုတာသိနေလို့ပါ ..ဒါတောင်ကဒ်ဝယ်ထားတာတွေမပါသေးဘူး...
ကျမဘက်ကဒီလောက် အဆင်ပြေအောင်လုပ်နေရဲ့သားနဲ့ သူ့ဘက်က အခုလိုပုံစံကို ကျမလုံးဝဆက်သည်းမခံနိုင်တော့ပါဘူး....နင်ဒီလိုဖြစ်ချင်နေတာလား အဲဒီစကားကိုငါစပြောမယ်..နင်ဘက်ကအင်းးလို့သာခေါင်းညိတ်လိုက်ဆိုတော့လည်း မဟုတ်ရပါဘူး..မလုပ်ရပါဘူး ဆိုပြီးလုံးဝလက်မခံပါဘူး.....။။

ကျမကိုတာလီဘန်ဆန်ဆန် လာဆက်ဆံနေလို့ကတော့ ကျမလည်းအမေရိကန်လို တုံပြန်ဖို့ ဝန်မလေးတော့ပါဘူး...

ဖုန်းကိုင်တာဘယ်သူမှန်းလဲသေချာမသိပါဘူး...ကျမလည်းပေါက်ကွဲပြီး ပြောချင်တာတွေပြောပလိုက်တယ်..
အခုမှပြန်စဉ်းစားမိတော့ ဖုန်းကိုင်တဲ့သူနဲ့ကဘာမှတော့မဆိုင်ပါဘူး..သူနဲ့ဘဲဆိုင်တာပါ ..ဒေါသဖြစ်နေတဲ့အချိန်မှာတော့ စိတ်ထဲဘာမှမသိတော့ဘူး...နာရီဝက်နေရင် ထပ်ဆက်မယ်...
နာရီဝက်နေပြီးထပ်ဆက်လို့ မရှိရင် ဘယ်တော့မှဒီဖုန်းကိုထပ်မဆက်တော့ဘူး...နာရီဝက်အတွင်းသူ့ကိုဖုန်းလာကိုင်ခိုင်းပါလို့ ခမ်မာမာဘဲ အမိန့်ပေးပလိုက်တယ် ...။

အဲဒီအချိန်ကျမဆံပင်ညှပ်ဆိုင်ရောက်နေပါပြီ...ဆံပင်လုပ်မဲ့ကိစ္စကို ခဏနေပါဦးလို့ ပြောထားပြီး..ဖုန်းတလုံးနဲ့ ရုပ်ရှင်ရိုက်နေရတာပါ ..။။နာရီဝက်တိတိနေလို့ ထပ်ဆက်တဲ့အချိန်မှာတော့
ပထမတယောက်မဟုတ်ဘဲ တခြားတယောက်ကဖုန်းကိုင်ပါတယ် ..
ခဏလေးညီမ စီနီယာအရာရှိကိုယ်တိုင် လိုက်ခေါ်ပေးနေတယ်...10မိနစ်လောက်ထပ်စောင့်ပေးပါနော်..နော်.......တဲ့...
အဲတော့မှ ခုနကဖုန်းကိုင်တာဘယ်သူလဲလို့မေးလိုက်တော့ " ......... "ဘယ်သူပါလို့ပြန်ဖြေတယ်..

ဘုရား ဘုရား ငါ နင်းကန်ပြောလိုက်မိတာ မှားတွားပြီ...အဲလူကြီးစိတ်ချိုးသွားရင်ပြသနာ....
သမီးကမသိလို့အော်မိတာပါနော်..

လာနေပြီ လာနေပြီ ခဏလေး ဆိုပြီး သူဟောဟဲလိုက်နေတဲ့အသံနဲ့ ဖုန်းလာကိုင်ပါတယ်...
" ပစ်ပစ်.." ဆိုပြီးလေသံပျော့လေးနဲ့ခေါ်ပြီး
ထုံးစံအတိုင်းပေါ့ ....နော်....complain အများကြီးနဲ့ဖြေရှင်းပါတယ်..

ဟားးဟား ဒီတခါတော့ မရတော့ပါဘူး တချက်မှမျက်နှာသာမပေးဘဲ .. အမေရိကန်ဆန်ဆန်ကို တိုက်ပွဲဝင်ပလိုက်ပါတယ်....။

ကျမတရစပ်ပေါက်ကွဲနေတဲ့စကားလုံးတွေကို သူအတင်းလိုက်ပြီးဖြေရှင်းပါတယ်...
ဆံပင်ညှပ်ဆိုင်ကလူတွေလည်း ကျမပေါက်ကွဲနေတာကို တအံတသြနဲ့ ငေးမောလို့...။။။
ကျမမြန်မာလိုပြောနေတာဆိုတော့ သူတို့လည်းနားမလည် ပါးမလည်နဲ့နားထောင်နေကြတာပါ...။
အကုန်လုံးကိုဝိုင်းနားထောင်နေကြတာပါ...
သိတယ်မှတ်လား Jerry pigpig ကမင်းသမီးဆိုတော့ ထိုင်လိုက် ထလိုက်...ဟိုဘက်ဒီဘက်လမ်းလျှောက်လိုက်နဲ့ မျက်၇ည်ကျတာကိုတစ်ရှုးနဲ့ဆွဲသုတ်လိုက်နဲ့..
တော်တော်လေးကို အိုက်တင် ကျင့်ပလိုက်တာပါ..အခုမှပြန်စဉ်းစားစာမိတော့လေ..
ရှက်ထှာ..ရှက်ထာ..
နောက်ဆုံးတော့လည်း မနက်ဖန်ဖုန်းထပ်ဆက်ပါနော် ပစ်ပစ် .... ကိုအိပ်ယာကထ..တန်းစီပြီးတာနဲ့ လာထိုင်စောင့်နေပါ့မယ်နော်...ပစ်ပစ်မကြိုက်တာထပ်မဖြစ်စေရပါဘူးနော်တဲ့......
အဲတာနဲ့လေ....အဲတာနဲ့ပေါ့နော်... မနက်ဖန်ဖုန်းဆက်ရင်နော် ကို့အသံကိုဘဲအရင်ဆုံးကြားချင်တယ်နော်... ဒီနေ့လိုလိုက်ခေါ်ခိုင်းနေရရင်တော့သိတယ်နော် ပြောထားပြီးသားနော်..နောက်မှအပြစ်မပြောနဲ့နော် ဘာညာပေါ့လေ...အဲတော့သူကလည်း..စိတ်ချပါ ပစ်ပစ်ရဲ့ အခုစိတ်မဆိုးနဲ့တော့နော် ဘာညာပေါ့.........အဲတာနဲ့ဖုန်းချခါနီးငြိမ်းချမ်းရေးယူလိုက်ကြတယ်ပေါ့လေ...

အခုလိုပြန်ပြေလည်သွားတာ ကျမနဲ့ သူနဲ့ကြားမှာအချစ်တွေရှိနေသေးလို့ပေါ့နော် ...။။။
( ဒါကတော့မနက်ပိုင်းမှာ ချစ်သူနှစ်ယောက်ရဲ့ရန်ပွဲလေးပေါ့လေ....။။။။။)




ဒေါသတရားနဲ့တနေ့တာ(ညနေပိုင်း)

အဲတော့မှ ဆံပင်ညှပ်ဆိုင်က လူတွေကလည်း ကျမခေါင်းကို လျှော်လိုက် ဆေးတင်လိုက် စက်ဆွဲလိုက်
လုပ်ပါတော့တယ်...ကျမဆံပင်သွားလုပ်တဲ့ ဆိုင်က နာမည်ြကီးဆံပင်ညှပ်ဆိုင်က ညှပ်ဆရာကကိုယ်ပိုင်ဆိုင်
သီးသန့်ဖွင့်ထားတဲ့ ဆိုင်ပါ...လင်မယားနှစ်ယောက် ကအကူမိန်းကလေးနှစ်ယောက်ခေါ်ပြီး ဆိုင်ဖွင့်ထားတာပါ ...။ ကျမညီမညှပ်ထားတာတော့ မဆိုးပါဘူး..

မိန်းမလုပ်တဲ့သူကစကားတော်တော်လေးများပါတယ်....ကျမကမြန်မာလိုဖုန်းပြောတာကြားထားတော့
ဘယ်ကလာလဲလို့မေးပါတယ်....ကျမကမြန်မာကပါဆိုတော့ ကျမကိုမြန်မာအကြောင်းမေးပါတယ်...
နောက်ပြီးသူက အခုတလောသတင်းကြီးနေတဲ့ ပြည်မကြီး ဟိုင်နန်ကျွန်းသူ ဆိုပါတော့..ပြည်မကြီးကတရုတ်မတွေတကယ်မလွယ်ဘူးဆိုတာ ဆိုတာဒီနေ့လုံးဝလက်ခံသွားပါပြီ
ပြောလိုက်တဲ့အကြောင်းအရာတွေဆိုတာ အစုံပါဘဲလေ...ကျမကလည်းကိုယ့်စိတ်ကူနဲ့ကိုယ်နေချင်ပါတယ်... သူကလည်းရေလည်စကားများပါတယ်..
အစပိုင်းကတော့ကျမလည်း အလိုက်သင့်ပေါ့ ...သူပြောတဲ့အကြောင်းအရာကိုလိုက်ပြီးအလိုက်အထိုက်ပြောတာပေါ့ သူကတရုတ်ပြည်ကလာတာ 7နှစ်ရှိပြီတဲ့...citizen ရပြီလားလို့မေးလိုက်တော့ သူကမလျှောက်တာတဲ့..ထိုင်ဝမ်မှာက အခုလောလောဆယ် အလုပ်မကောင်းတဲ့ကြောင်း.........စီးပွားရေးတအားကျနေတဲ့အကြောင်း နိုင်ငံသားအဖြစ်ခံယူလိုက်ရင်လည်း ဘာမှအကျိုးခံစားခွင့်မရှိတဲ့အကြောင်း အိမ်ဈေးတွေမတရားကြီးတဲ့အကြောင်းပြောပါတယ်....တရုတ်အစိုးက အခုသူတို့ပြည်သူတွေကို အသက်ကြီးလာတဲ့အခါထောက်ပံကြေး ပေးတယ်တဲ့ ..သူကအဲကြောင်းပြောပါတယ်...အဲဒီအကြောင်းအရာလေးကတော့ စိတ်ဝင်စားဖို့ကောင်းလို့ ကျမသေချာမေးမိပါတယ်.. တရုတ်အစိုးရက အခုသူတို့ပြည်သူတွေ အသက်ကြီးလာတဲ့အခါ အမျိုးသမီးဆိုရင် အသက် 50 အမျိုးသားဆိုရင် 55နှစ်ကစပြီးထောက်ပံကြေး စပေးပါတယ် ...
ပေးတဲ့နေရာမှာ မိသားစု အသိုင်းအဝိုင်းအနေအထား လုပ်ကိုင်တဲ့ အလုပ်အဲတာ ကိုကြည့်ပြီး အမျိုးအစားသုံးမျိုး ခွဲပေးပါတယ် ... အနိမ့်ဆုံးက 3000 ကနေ အမြင့်ဆုံး 7000 ထိပေးပါတယ်တဲ့...အသက်70ကျော်သွားတဲ့သူဆိုရင် ရနေတဲ့ ထောက်ပံကြေးအနေအထားကိုကြည့်ပြီး နှစ်ဆတိုးပေးတာရှိပါတယ်တဲ့ ။။။သူ့အဖေ ဆိုရင် တလကို အမြင့်ဆုံးထောက်ပံကြေး (ရတဲ့ပိုက်ဆံကို ထိုင်ဝမ် ငွေနဲ့တွက်ရင်) 7000လောက်ရတယ်တဲ့ ...အဲတာကြောင့် သူကထိုင်ဝမ်နိုင်ငံသားအဖြစ်မလျှောက်တာတဲ့..
တရုတ်နိုင်ငံသားအဖြစ်နေရတာ ပိုကောင်းတယ်တဲ့...
( ပေါက်ဖော်ကြီး သူ့လူမျိုးတော့ သူစောင့်ရှောက်သားဘဲ )

နောက်ပြီးပြောရင်းပြောရင်းနဲ့ အိမ်ထောင်ရေးအကြောင်း သူကဆက်ပြောပါတယ်..သူ့သူငယ်ချင်းတွေရဲ့ အိမ်ထောင်ရေး...သူအကိုရဲ့ အိမ်ထောင်ရေး...ကျမလည်း အင်းး လိုက် အဲ လိုက်..တအံတသြလေးလုပ်ပြလိုက် နဲ့ပေါ ( ကျမကလည်းတရုတ်စကားကို စပါယ်မကျွမ်းပါဘူး )
သူပြောတဲ့စကားလုံးတိုင်းကိုနားလည်အောင် သေချာအာရုံစိုက်ထားရတာပါ ...
ပြောရင်းနဲ့ သူ့အိမ်ထောင်ရေးအကြောင်း ရောက်သွားပါတယ် ....။ သူ့ယောက်ခမ မကောင်းကြောင်းစပြောပါတယ် ။အဲတာကျတော့ ရှော့ခ် ရှိပါတယ် သူ့ယောက်ကျားကဘေးမှာ
ရှိနေတာလေ.....ကျမတော်တော်အံသြသွားပါတယ် ။။ ယောက်ခမမကောင်းကြောင်းကို ယောက်ကျားရှေ့မှာဘဲ တစိမ်းတယောက်ကို အိတ်သွန် ဖာမှောက်ပြောပြနေတာပါ ...ကျမလည်းသူ့ယောက်ကျားကို အားနာတာနဲ့ သူပြောတာကို နားဘဲထောင်နေလိုက်တယ်....။။
ဘာမှပြန်မပြောတော့ဘူး....ဝေဖန်ခြင်းလည်းမလုပ်တော့ဘူး...
သူ့ယောက်ကျားကြည့်ရတော့ စိတ်တိုနေပုံရပေမဲ့ ဘာမှတော့ဝင်မပြောပါဘူး....
သူကျမဆံပင်ကို စက်ဆွဲပြီးတော့ သူ့ယောက်ကျားက ဆေးနဲ့လုပ်ပေးပါတယ်....အဲအချိန် သူကအိမ်သာထဲဝင်နေပါတယ် ....နောက်တော့ သူယောက်ကျားကတစ်ရူးလိုချင်တာ သူ့ကိုလှမ်းခေါ်ရာကနေ ဘယ်ကနေ ဘယ်လို စပြီးစကားများကြတယ် မသိပါဘူး....တယောက်တခွန်းနဲ့
အော်ကြီးဟစ်ကျယ် ရန်ဖြစ်တော့တာပါဘဲ.. အမလေးလေး ကြောက်စရာကောင်းလိုက်တဲ့ ပြည်ကြီးမနော်
စကားလုံးတွေဆိုတာ ကြောက်စရာကောင်းလိုက်တာ စွာလိုက်တာ ဆိုတာ မပြောပါနဲ့တော့ ...


( တသက်တကိုယ် မြင်ဖူးတဲ့ နိုင်ငံခြားသူတွေထဲမှာ သူအစွာဆုံးပါဘဲ ...တကယ်ကိုနှုတ်သီးကောင်း
လျှာပါး ဆိုတာပါဘဲ)
ကျမ မနက်က ချစ်သူနဲ့ရန်ဖြစ်တာ စကားအခြေအတင်ပြောကြတာ..
ကျမသူ့ကိုမအော်ဘူး....လေသံနဲ့ပြောတာ....
အခုပြည်ကြီးမကတော့ ကျမရင်တောင်တုန်တယ် ရုပ်လေးနဲ့တောင်မလိုက်ဘူး...နောက်တော့ သူ့ယောက်ကျားက ကလေးကျောင်းကြိုဖို့ထွက်သွားပါတယ်...သူကတော့ ကျမကိုဆက်ပြောပါတယ်..
သူ့ယောက်ကျားက သူ့ကိုပြောတယ်တဲ့ မယူခင်တုန်းကတော့ သူကို့အရမ်းနွေးထွေးတယ်.. အရမ်းလိမ်မာတယ်ပေါ့.. အခုယူပြီးတဲ့နောက်ပိုင်း သူကအရမ်းကိုစွာတယ်ပေါ့ ..
အဲလောက်စွာမယ်လို့ထင်တောင် မထင်ဘူးလို့ သူ့ယောက်ကျားကပြောတယ်ပေါ့...ကျမကို နင်ဘဲစဉ်းစားလေ သူကရောငါ့အပေါ်ကိုမစွာဘူးလား..ဘာဖြစ်တယ်ညာဖြစ်တယ်ပေါ့ ...ကျမ သူ့ကိုဘာပြန်ပြောရမလဲလေ....ဘာပြန်ပြောရမလဲမသိတော့ ဘာမှကိုပြန်မပြောခဲ့ပါဘူး.....
စိတ်ထဲမှာတော့ အတွေးတွေနဲ့ပါ တကယ်တော့ ချစ်သူဘဲဖြစ်ဖြစ် လင်မယားဘဲဖြစ်ဖြစ်......
နှစ်ဘက်စလုံး ဟန်ချက်ညီဖို့လိုပါတယ် ....

ညနေ သူယောက်ကျားကလေးကြိုပြီးပြန်လာတော့ သူတို့ပြန်တည့်သွားကြပါတယ်....
မိန်းကလေးတယောက်ဆံပင် လာညှပ်တော့ သူယောက်ကျားညှပ်ပေးနေတာကို.... (သူကျမဆံပင်ကိုလေမှုတ်ပေးနေရင်းနဲ့ ) မှန်ထဲကနေ တချိန်လုံးကြည့်နေတာပါ ဒီလောက်စကားများနေတဲ့ ပြည်ကြီးမ ကျမကိုစကားတလုံးမှ ကိုမပြောတော့ပါဘူး...သူစကားပြောနေရင်
သူယောက်ကျားနဲ့ ဟိုမိန်းကလေးနဲ့ ဘယ်လိုညှပ်ပေးပါ ဘယ်လိုလေးတိပေးပါ ပြောနေတာတွေသူဘာမှ ကြားမှာ မဟုတ်တော့ဘူးလေ....။အဲတာကြောင့်သူကျမကိုဘာစကားမှမပြောတော့ဘဲ သူ့ယောက်ကျားကိုဘဲ
တချိန်လုံးကြည့်နေတာပါ ။။
အဲတာ သူတို့နှစ်ယောက်ကြားမှာ အချစ်ရှိလို့ပေါ့နော်...
(ဒါကတော့ ညနေပိုင်းလင်မယားရန်ပွဲလေးပေါ့)



ဒီနေ့ကိုအဆုံးသတ်လိုက်တော့ မနက်က ဖုန်းကဒ် တကဒ်စာ 180 ...ဖုန်းကျသွားလို့ကဒ်နဲ့ ပြန်ခေါ်လို့
မရတာ နဲ့ဖုန်းလိုင်းနဲ့ဘဲခေါ်လိုက်တာ 15မိနစ်လောက်ရှိမယ်...15မိနစ်ဆိုတော့ 400နီးပါးလောက်၇ှိတယ်
ဟင်းးးးးးးးးးးးးးးးးးးး (အရင် နေ့တွေကခေါ်ထားတာက တနာရီ နီးပါးလောက် ရှိမလားဘဲ) ဘုရားဘုရား
ဒီလ phone bill မကြည့်ပါရစေနဲ့တော့ ...။။ဆံပင်ညှပ်ဆိုင်ကပြည်ကြီးမ ကိုပေးခဲ့ရတာက 1500...
..ဟူးးးးးးးးးး
အခုလောလောဆယ်တော့ ပြည်ကြီးမယောက်ကျားရဲ့ ကတ်ကြေးအစွမ်းပြမှု့ကြောင့် အင်မတိအင်မတန်ကို ကျမစိတ်ညစ်နေကြောင်းပါ ...
(ကျမဆံပင် ကိုပါးပလိုက်တာ နဂိုကရှိတဲ့ဆံပင်လေးက
ထူထူလေးရယ်..အခုတော့ ဆံပင်အရမ်းထူတယ်..နဲနဲပါးလိုက်မယ်နော်ဆိုပြီး...ပါးလိုက်တာ ဆံပင်တဝက်လောက်ဘဲကျန်တော့တယ်....တော်သေးတယ်..ဆံပင်အရှည်ကို လုံးဝမတိုစေနဲ့နော်..ဆိုပြီး
အထပ်ထပ်အခါခါပြောထားလို့ အရမ်းတိုမသွားတာ...)


( ဒါကတော့ မအိပ်ခင်လေး jerry pigpig ရင်တုန်သလိုလို စိတ်တိုင်းမကျသလိုလို
ဖြစ်နေတာလေးပေါ့ )

jerry pigpig
15.11.2011 AM 4:17

ပုံတွေအားလုံးကို www.google.com ကနေယူသုံးထားပါတယ်...