၂ နှစ်ခရီးစတင်ခြင်း...

ကျမကသွားတွေမလှပါဘူး...
ငယ်ကထဲက   သူများတွေ    သွားတွေညီညီညာညာလေးဆိုရင်   အရမ်းသဘောကျတယ်...ကျမသွားတွေက
ထပ်တယ်..မညီဘူး... မညီတော့ ခေါထွက်တဲ့အချောင်းက ခေါတယ်... အထဲဝင်နေတဲ့အချောင်းက ဝင်နေတယ်.... အစွယ်ဖြစ်နေတဲ့အချောင်းက အစွယ် လိုလိုဘာလိုလို  နဲ့လေ.....

ကျမသွားတွေကိုပြင်မယ်  ပြင်မယ်နဲ့  ပိုက်ဆံနှမြောတာရော...  လူလည်းအနာမခံချင်တာရော  ..ကြောက်တာရော...အစုံပေါင်းပြီး..ဘာမှမလုပ်ဖြစ်ပါဘူး...အဲလိုနဲ့ဘဲအချိန်ဆွဲလာတာ 
3 ..4  နှစ်ပါဘဲလေ... 

အခုတော့ကျမဆုံးဖြတ် လိုက်တယ်  ဒီအချိန်မှမပြင်ရင် ကျမအတွက် အချိန်ဆိုတာ နောက်ကျသွားမှာ
စိုးးးးးးးးးလို့ပါ ..အဟဲ..လှချင်တာပေါ့နော်...

အဲတာနဲ့  Taipei တခွင်  ဆရာဝန် စုံစမ်းပါတယ်.... ဘယ်ဆရာဝန်က ဘယ်လောက်ယူတာ
ဘယ်လိုအာမခံတာ...ဘယ်လိုကောင်းတယ်.. အင်တာနက်ကနေ ရှာတယ်...
နောက်ဆုံးတော့  ဆရာဝန် တစ်ဦးတွေ့ပါတယ်...ဈေးလည်း ကျမဆစ်သလောက်ရတယ်
စိတ်လည်းရှည်တယ်...သဘောလည်းကောင်းတယ်...ဆေးခန်းကလည်းသန့်တယ်..
သန့်ဆို ဖွင့်တာမှမကြာသေးတာလေ..အသစ်စက်စက်ဆေးခန်း..ဆရာဝန်ကလည်း အမေရိကား
ကပြန်လာတာမကြာသေးဘူး...

သူကလည်း ဆေးခန်းဖွင့်စ မိတ်ဆွယ်တဲ့အချိန်..ကျမလည်းဈေးဆစ်လို့ရတဲ့ဆေးခန်း
ရှာတဲ့အချိန်...အဆင်ပြေသွားတယ်ဆိုပါတော့လေ....

အဲတာနဲ့ သွားပြ လိုက်တယ်..ဆရာဝန်က သွား4ချောင်းနှုတ်ခိုင်းတယ်...
ကျမသွားတွကသိပ်ထပ်နေလို့ပါ  .....ကိစ္စမရှိပါဘူး...  ပစ်ပစ်ဆိုတဲ့ကျမကလည်း  လှချင်တာ
စက်စက်ယို ဆိုတော့ နှုတ်မယ်..ကိစ္စမရှိဘူး...လှဖို့ကအဓိက ဆိုတဲ့ မူ   ...လက်ကိုင်ထားလို့
သွားကိုအပေါ်နှစ်ချောင်း   အောက် နှစ်ချောင်းကိုနှုတ်ပြစ်လိုက်ပါတယ်....

သွားနှုတ်တော့ဆရာဝန်က ဘယ်လောက်သဘောကောင်းလည်းဆိုရင်  ကျမအလုပ်နားတဲ့ရက်
ဆန်းဒေးကို  ဆေးခန်းကို တကူးတက လာဖွင့်ပြီး... နှုတ်ပေးတာပါ..
 ( အဲဒီလက ကျမအလုပ်နားရက်က    ဆန်းဒေးပါ )

ဆေးခန်းသွားမဲ့ မနက်မှာတော့ ကြောက်တော့ ကြောက်တာပေါ့...ဒါပေမဲ့မကြောက်ပါဘူး..
လှဖို့အရေး အနာခံရမယ်ဆိုတဲ့မူ ကို ကိုင်ဆွဲလို့ ဆေးခန်းကိုချီတက်သွားပါတယ် ....
ဟိုရောက်တော့ထုံဆေးထိုး ...သွားဆေး.. ပြီးတော့ နှုတ်ပွဲကြီးစတင်ပါလေရော...
ကျမကထုံဆေးထိုးခံထားရတဲ့ သူဆိုတော့   မနာပါဘူး....ထုံဆေးအရှိန်နဲ့လေ...အပြင်က စောင့်နေတဲ့
ကျမညီမ ကတော့ ဂျစ်ဂျစ် ဆိုတဲ့ အသံတွေကြားနေရုံနဲ့တင်  ကြက်သီးတဖြန်းဖြန်းထနေလေရဲ့....
ကျမအပေါ်သွားက ဆရာဝန်ဆွဲထုတ်တဲ့အချိန်မှာ ကျိုးသွားတယ်  ..သွားအစက သွားဖုံးထဲမှာကျန်ခဲ့တယ်..
အဲတာနဲ့  ဆရာဝန်လည်း ဆွဲထုတ်ပေမဲ့   မထွက်ဘူးထင်ပါတယ်..သွားဖုံးကိုခွဲချလိုက်ပါလေရော...
သူလုပ်နေတာကျမဘာမှမနာဘူး..ဘာမှမသိဘူး...အစလည်းကုန်အောင်ထုတ်ပြီးရော..
သွေးတွေထွက်တော့ ပလုပ်ကျင်းခိုင်းတာ  ..ကျမ မှန်ကိုတချက်လှမ်းကြည့်တာ...
အမလေးးးးးးးးးးးးးးးးးးးးးးးးးးးးးးးးးးးးးး
အပေါ်သွားဖုံးက ဟက်တက်ကြီးကွဲနေတာနော်....ခံနိုင် ရည်ရှိအောင် ပြင်ဆင်ထားပါတယ်
ဆိုတာတောင်  တော်တော်ကျွတ်ကြဲ သွားတာပါ....မရတော့ဘူးလေ..အဲလိုနှုတ်ပြီးမှတော့
ရှေ့ဆက်ဖို့ဘဲ      ရှိတော့တာဘဲ...ဒါနဲ့ကျန်တဲ့  အောက်သွားကိုဆက်နှုတ်တယ်....
အောက်သွားကတော့ အေးဆေးပါဘဲနှုတ်ရတာ...
ဒါပေမဲ့အ ပေါ်သွားဖုံးကိုတော့ ပြန်ချုပ်လိုက်ရပါတယ်.... အိမ်ပြန်လာတော့ ထုံဆေးလည်းပျယ်ရော
အဲမှာစတွေ့တာပါဘဲ..နာလိုက်တာ....အမလေးတောင်တ ယူရတဲ့အထိပါဘဲရှင်...
တပါတ်နီးပါးကိုက်တာ.... အရမ်းနာရင် သောက်ဖို့ ဆိုပြီးဆေးပေးထားတောင် မလောက်ပါဘူး...
ကျမတော်တော် ခံစားလိုက်ရပါတယ်  နာကျင်မှု့ကို...ဒါပေမဲ့ကျမနောက်ဆုတ်လို့ မ၇တော့ပါဘူး
ရှေ့ဆက်ဖို့ဘဲရှိပါတော့တယ်....

နောက်ထပ်သွားနှစ်ချောင်း   နှုတ်တာကတော့  လွယ်ပါတယ်..ခွဲရတာ ချုပ်ရတာမရှိပါဘူး...
ဒါပေမဲ့ နှုတ်ပြီးအိမ်ပြန်လာတော့      သွေးမတိတ်ပါဘူး..သွေးတွေက    ပါးစပ်ထဲပြည့်လာလိုက်.
.ထွေးထုတ်လိုက်နဲ့...... .ရေခဲအိတ်ကို       ပါးတခြမ်းထုံနေအောင်    ကပ်ထားရပါတယ်  ...သွားအကောင်းတွေကို      နှုတ်ပြစ်ရတာ  တော်တော် ခံစားရဆိုးတာဘဲ...

နောက်တော့    ကျမရဲ့ သွားနှုတ်ခြင်း    ကိစ္စပြီးဆုံးသွားပါတယ်..လူလည်းမစားနိုင် မသောက်နိုင်နဲ့
မျောက်နာရုပ်လေးဖြစ်သွားပါတယ်...အမတယောက်ကစပါတယ်..ဖွားဖွားပစ်တဲ့လေ...
အိမ်ကညီမကတောင်  နင့်ကို       pigpig  ကနေ မျောက်မျောက် လို့ပြောင်းခေါ်ရတော့မယ်လို့
စတဲ့အထိပါဘဲလေ.....။။။။

3.6.2012  ဒီနေ့ သွားတွေကိုစတီးစဆွဲပါတယ်.....အရမ်းနာမှာစိုးလို့  ဆရာဝန်က  အပေါ်သွား
စဆွဲတာပါ...တော်တော်လေးခံစားရခက်တဲ့   ဝေဒနာပါဘဲလေ...စတီးကြိုးတွေတပ်ပြီးပြီးချင်း
ကျမမှန်ကြည့်တော့   အင်မတန်မှကိုရုပ်ဆိုးသွားပါတယ်...  နဂိုကမှ ကြည့်လို့အဆင်ပြေသေးတယ်..။။
ဆရာရယ်..ပြီးရင် လှမလှတော့မသိဘူး  အခုတော့ အရမ်းရုပ်ဆိုးတာဘဲဆိုတော့ ....
နင်ကလှချင်တာကိုးး...အခုလောက်တော့ သည်းခံရမှာပေါ့တဲ့လေ....
အစပိုင်းဘဲနာမှာပါတဲ့..နောက်တော့ နေတတ်သွားလိမ့်မယ်တဲ့လေ....
အခုတော့   ကျမအိမ်မက်ဆိုးတွေ   မက်နေရသလိုပါဘဲ...ကယောင်ချောက်ချားဖြစ်သလိုလို
ဘာလိုလို နဲ့လေ....၂ နှစ်ဆိုတဲ့ အချိန်ကာလကို  ကျမစိတ်ရှည်ခြင်း  သည်းခံခြင်းတွေကို  လက်ကိုင်
ထားပြီးကျော်ဖြတ်ရမှာပါ...ကျမရဲ့ခံနိုင်ရည်တခုကို  စမ်းသမ်မဲ့  ၂ နှစ်လို့ဘဲ သတ်မှတ်လိုက်ပါတယ်..
အခုတော့လား.....ဆန်ပြုတ်ပေါ့နော်...မမုန်းတမ်းသောက်နေရပါတယ်....မာတဲ့အစာကို
ယောင်လို့တောင်လှည့်ကြည့်လို့မရတဲ့ဘဝဖြစ်နေပါတယ်...

ဘာဘဲပြောပြောပါ...3.6.2012  ကနေ စရေတွက်ရင်  3.6.2014  ဒီ ၂နှစ်တာကာလကို
ကျမကျော်ဖြတ်ပြီးတဲ့အခါ   .....ကျမဘယ်လိုပြောင်းလဲသွားမလဲ...ဘယ်လောက်ပြောင်းလဲသွားမလဲ
ကြည့်ရဦးမှာပေါ့...
အခုတော့ နာကျင်ခြင်းတွေရင်ဝယ်ပိုက်ထားတယ်....
ရင်ထဲကလည်းနာတယ်....ပါးစပ်ထဲကလည်းနာတယ်...စိတ်ထဲကလည်းနာသလိုလိုရှိနေပြီ...။။
 လောလောဆယ်တော့  နာကျင်ခြင်းဆိုတာကိုဘဲ  တသီးတသန့် ခံစားနေတယ်....

( ကျမအမှတ်တရဖြစ်အောင် ပုံရိုက်ပြီး   Facebook မှာတင်ထားတယ်...)


ပစ်ပစ်
4.6.2012   AM  1:59